باتىس قازاقستان وبلىسىندا قورشاعان ورتانى جاڭعىرتۋعا جانە اۋماقتاردى اباتتاندىرۋعا باعىتتالعان «تازا قازاقستان» رەسپۋبليكالىق ەكولوگيالىق اكسياسى جالعاسىپ جاتىر. بۇگىن د.ەلەۋسىنوۆ اتىنداعى وقۋشىلار سارايىندا مەكتەپ وقۋشىلارىنىڭ قاتىسۋىمەن ەكولوگيالىق سىنىپ-ساعاتى ءوتتى،- دەپ حابارلايدى Dalanews.kz
«تازا قازاقستان» رەسپۋبليكالىق اكسياسى ەلىمىزدىڭ بارلىق وڭىرلەرىندە جالعاسىپ، جالپىۇلتتىق ەكو-چەللەندجگە اينالدى. بۇل باعىتتاعى ءىس-شارالارعا ەرىكتىلەر مەن بەلسەندى ستۋدەنتتەر عانا ەمەس، سونىمەن قاتار ءارتۇرلى مەكەمەلەردىڭ قىزمەتكەرلەرى دە قاتىسىپ كەلەدى. ەكولوگيالىق سىنىپ-ساعاتىمىزدىڭ ماقساتى – سالاۋاتتى ەكولوگيالىق سانانى قالىپتاستىرۋ، قورشاعان ورتانى ساقتاۋ قاجەتتىلىگىن وسكەلەڭ ۇرپاققا جەتكىزۋ، ەلىمىزدىڭ تازالىعىنا بىرلەسىپ ات سالىسۋ»، - دەدى بقو تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ وكىلى فاريزا سۇلتاشيەۆا.
بۇگىنگى تاڭدا سانيتارلىق جۇمىستارعا 148 مىڭنان استام تۇرعىن جانە 4 مىڭ مەكەمە مەن كاسىپورىن قاتىستى. اكسيا اياسىندا 76 مىڭنان استام اۋلا، ونىڭ ىشىندە 2508 كوپقاباتتى ءۇيدىڭ اۋماعى جانە 74 مىڭنان استام جەكە تۇرعىن ءۇيدىڭ اۋماعى جينالدى.
سونداي-اق، 231 ساياباق پەن سكۆەردى اباتتاندىرۋ جۇمىستارى جۇرگىزىلدى، 63 مىڭنان استام اعاش كوشەتتەرى وتىرعىزىلدى، 6 مىڭنان استام تروتۋار پليتالارى جوندەلدى. 1221 الەۋمەتتىك نىساننىڭ اۋماعى مەن 1251 تاريحي-مادەني ەسكەرتكىشتىڭ اۋماعى تازارتىلدى.
ەكولوگيالىق ءىس-شارالاردى وتكىزۋ ءۇشىن 1810 بىرلىك تەحنيكا جۇمىلدىرىلدى، سونىڭ ارقاسىندا 61 750 توننا قوقىس شىعارىلدى. بۇدان باسقا، "عارىش ساپارى" اق انىقتاعان 192 زاڭسىز قوقىس ۇيىندىلەرىنىڭ 158ء-ى جويىلىپ، قالعان 34 قوقىس ءۇيىندىسىن جويۋ جۇمىستارى جالعاسۋدا.
