Oral qalasynda «Qazaqstan máslihattary depýtattarynyń birlestigi» respýblikalyq qoǵamdyq birlestiginiń kóshpeli otyrysy ótti. Is-sharaǵa BQO basshylyǵy men aýdan ákimderi jáne óńirlerden máslihat tóraǵalary qatysty,- dep habarlaidy Dalanews.kz
Basqa oblystardan kelgen qatysýshylar Batys Qazaqstan oblysynda iske asyrylyp jatqan «Qaladan – Aýylǵa» baǵdarlamasynyń múmkindikterimen tanysty.
«Qaladan - Aýylǵa» baǵdarlamasy BQO-da 2024 jyldyń basynan beri júzege asyrylýda. Baǵdarlama Memleket basshysynyń aýyldyq aýmaqtardy damytýdyń 2023-2027 jyldarǵa arnalǵan tujyrymdamasy aiasynda iske qosylǵan.
Jobanyń maqsaty:
- Azamattardyń aýylǵa kelýin yntalandyrý;
- Halyqtyń kóshi-qonyn azaitý, aýyldyq jerlerde jumys kúshi tapshylyǵyn joiý;
- Aýyldyq jerlerdi, agroónerkásip keshenin turaqty damytýdy qamtamasyz etý;
- ShOB sýbektileriniń sanyn arttyrý;
- Turaqty jumys orny joq qala azamattarynyń, sondai-aq jas otbasylarynyń áleýmettik máselelerin sheshýge qoldaý kórsetý.
Búginde baǵdarlama aiasynda BQO-da aýyldarǵa 104 otbasy qonys aýdarǵan (519 adam).
Jiyn barysynda BQO ákimi Nariman Tóreǵaliev «Qaladan - Aýylǵa» baǵdarlamasy Memleket basshysynyń aýyldyq jerlerde halyqtyń ómir súrý sapasyn jaqsartý jáne qolaily orta qalyptastyrý jónindegi tapsyrmasy aiasynda iske asyrylyp jatqanyn atap ótti.
«Aýyldyq aýmaqtardaǵy halyqty turaqtandyrý, aýyldardy saqtap qalý jáne aýyl ekonomikasyn jandandyrý úshin óńirimizde 2024-2026 jyldarǵa arnalǵan «Qaladan Aýylǵa» pilottyq jobasy iske asyrylýda. Joba aiasynda qala turǵyndary aýyldyq jerge qonys aýdarǵan kezde qoldanystaǵy memlekettik baǵdarlamalar aiasynda azmattarǵa qoldaý kórsetilýde»,- dedi BQO ákimi Nariman Tóreǵaliev.
Sondai-aq, aýdan deńgeiinde qonys aýdarýshylardy baspanamen jáne jumyspen qamtý boiynsha jumystar júrgizilýde jáne kásipkerlikti damytýǵa qoldaý kórsetilýde.
Ózge oblystardan kelgen qatysýshylar baǵdarlamanyń tiimdiligin atap ótip, óz taraptarynan qyzyǵýshylyq tanytty.
