ورال قالاسىندا «قازاقستان ءماسليحاتتارى دەپۋتاتتارىنىڭ بىرلەستىگى» رەسپۋبليكالىق قوعامدىق بىرلەستىگىنىڭ كوشپەلى وتىرىسى ءوتتى. ءىس-شاراعا بقو باسشىلىعى مەن اۋدان اكىمدەرى جانە وڭىرلەردەن ءماسليحات ءتوراعالارى قاتىستى،- دەپ حابارلايدى Dalanews.kz
باسقا وبلىستاردان كەلگەن قاتىسۋشىلار باتىس قازاقستان وبلىسىندا ىسكە اسىرىلىپ جاتقان «قالادان – اۋىلعا» باعدارلاماسىنىڭ مۇمكىندىكتەرىمەن تانىستى.
«قالادان - اۋىلعا» باعدارلاماسى بقو-دا 2024 جىلدىڭ باسىنان بەرى جۇزەگە اسىرىلۋدا. باعدارلاما مەملەكەت باسشىسىنىڭ اۋىلدىق اۋماقتاردى دامىتۋدىڭ 2023-2027 جىلدارعا ارنالعان تۇجىرىمداماسى اياسىندا ىسكە قوسىلعان.
جوبانىڭ ماقساتى:
- ازاماتتاردىڭ اۋىلعا كەلۋىن ىنتالاندىرۋ؛
- حالىقتىڭ كوشى-قونىن ازايتۋ، اۋىلدىق جەرلەردە جۇمىس كۇشى تاپشىلىعىن جويۋ؛
- اۋىلدىق جەرلەردى، اگروونەركاسىپ كەشەنىن تۇراقتى دامىتۋدى قامتاماسىز ەتۋ؛
- شوب سۋبەكتىلەرىنىڭ سانىن ارتتىرۋ؛
- تۇراقتى جۇمىس ورنى جوق قالا ازاماتتارىنىڭ، سونداي-اق جاس وتباسىلارىنىڭ الەۋمەتتىك ماسەلەلەرىن شەشۋگە قولداۋ كورسەتۋ.
بۇگىندە باعدارلاما اياسىندا بقو-دا اۋىلدارعا 104 وتباسى قونىس اۋدارعان (519 ادام).
جيىن بارىسىندا بقو اكىمى ناريمان تورەعالييەۆ «قالادان - اۋىلعا» باعدارلاماسى مەملەكەت باسشىسىنىڭ اۋىلدىق جەرلەردە حالىقتىڭ ءومىر ءسۇرۋ ساپاسىن جاقسارتۋ جانە قولايلى ورتا قالىپتاستىرۋ جونىندەگى تاپسىرماسى اياسىندا ىسكە اسىرىلىپ جاتقانىن اتاپ ءوتتى.
«اۋىلدىق اۋماقتارداعى حالىقتى تۇراقتاندىرۋ، اۋىلداردى ساقتاپ قالۋ جانە اۋىل ەكونوميكاسىن جانداندىرۋ ءۇشىن وڭىرىمىزدە 2024-2026 جىلدارعا ارنالعان «قالادان اۋىلعا» پيلوتتىق جوباسى ىسكە اسىرىلۋدا. جوبا اياسىندا قالا تۇرعىندارى اۋىلدىق جەرگە قونىس اۋدارعان كەزدە قولدانىستاعى مەملەكەتتىك باعدارلامالار اياسىندا ازماتتارعا قولداۋ كورسەتىلۋدە»،- دەدى بقو اكىمى ناريمان تورەعالييەۆ.
سونداي-اق، اۋدان دەڭگەيىندە قونىس اۋدارۋشىلاردى باسپانامەن جانە جۇمىسپەن قامتۋ بويىنشا جۇمىستار جۇرگىزىلۋدە جانە كاسىپكەرلىكتى دامىتۋعا قولداۋ كورسەتىلۋدە.
وزگە وبلىستاردان كەلگەن قاتىسۋشىلار باعدارلامانىڭ تيىمدىلىگىن اتاپ ءوتىپ، ءوز تاراپتارىنان قىزىعۋشىلىق تانىتتى.
