Batys Qazaqstan oblysynda bıylǵy kóktemgi egis jumystary aıaqtalyp, ósimdik sharýashylyǵynda oń ózgerister baıqalýda. Aýyl sharýashylyǵy qurylymdary barlyq josparly kórsetkishterge qol jetkizip, ónim óndirýge tyńǵylyqty daıyndaldy,- dep habarlaıdy Dalanews.kz
2025 jyly oblys boıynsha 462 myń gektar alqapta ylǵal jabý jumystary júrgizildi. Bul kórsetkish tolyqtaı oryndaldy. Sonymen qatar, 167 myń gektar jerge kúltıvasıa jasaldy.
Búgingi kúnge oblys aýmaǵynda 390,7 myń gektar jerge jazdyq egis jumystary júrgizilip, jospar 106 paıyzǵa oryndaldy. Onyń ishinde:
- 205,3 myń gektarǵa dándi daqyldar,
- 121,1 myń gektarǵa maıly daqyldar,
- 60 myń gektarǵa mal azyqtyq daqyldar egildi.
Sonymen qatar, 4,2 myń gektar jerge kartop pen kókónis-baqsha ónimderi otyrǵyzyldy.
Jalpy egistik kólemi – 633 myń gektar. Onyń ishinde:
- Dándi daqyldar – 296,8 myń ga,
- Maıly daqyldar – 121 myń ga,
- Mal azyǵy – 211 myń ga,
- Kartop, kókónis, baqsha – 4,2 myń ga.
2025 jylǵy kóktemgi egiske 29,4 myń tonna tuqym qajet bolsa, onyń bári tolyqtaı qamtamasyz etildi. Búdjet esebinen 38 mln teńge bólinip, tuqym sapasyn tekserý úshin 10 789 zertteý jumysy josparlandy. Oblysta eki arnaıy zerthana jumys isteıdi: biri – Oral qalasynda («Kazagreks» AQ), ekinshisi – Derkól kentinde («Oral-Jer» JSHS).
Kóktemgi egis naýqanyna qajetti tehnıkalar tolyqtaı jóndeýden ótip, 100% daıyn kúıde iske qosyldy. Sonymen qatar, oblysqa 8,4 myń tonna dızel otyny bólinip, onyń basym bóligi (6 myń tonnasy) sharýalarǵa jetkizildi. Qalǵan 1,9 myń tonnasy kúzgi egis pen mal azyǵyn jınaý jumystaryna qaıta baǵyttaldy.
Oblysta 406 aýyl sharýashylyǵy kooperatıvi tirkelse, onyń 291-i naqty jumys istep tur. Negizgi baǵyty – mal sharýashylyǵy. 2023 jyly 49 kooperatıvke 995 mln teńge nesıe berilip, 2024 jyly taǵy 16 kooperatıv 396 mln teńgemen qarjylandyryldy.
Kooperatıv músheleri (5000-nan astam adam) ıeliginde 100 myńnan astam mal bar. Ótken jyly olar 9 myń tonna sút, 275 tonna et, 4,7 myń tonna kartop, 575 tonna kókónis, 541 tonna bıdaı jáne basqa da ónimder óndirdi.
2023 jyly «Aýyl amanaty» baǵdarlamasy aıasynda 6,4 mlrd teńge bólinip, 992 shaǵyn nesıe berildi. Sonyń nátıjesinde 1135 jańa jumys orny quryldy.
2024 jyly 2,5 mlrd teńgege 268 nesıe berilip, 400 adam jumyspen qamtyldy.
2025 jylǵa arnalǵan jospar – 5,5 mlrd teńgege 815 adamǵa nesıe berý jáne 886 jumys ornyn qurý.
Batys Qazaqstan oblysynda ósimdik sharýashylyǵy júıeli jolǵa qoıylyp keledi. Aýyl sharýashylyǵy kooperatıvteri men memlekettik qoldaýlardyń arqasynda aýyl turǵyndarynyń tabysy artyp, jańa jumys oryndary ashylýda. Bul – aýyl ekonomıkasynyń órkendeýi jolyndaǵy mańyzdy qadam.
