باتىس قازاقستان وبلىسىندا بيىلعى كٶكتەمگٸ ەگٸس جۇمىستارى اياقتالىپ, ٶسٸمدٸك شارۋاشىلىعىندا وڭ ٶزگەرٸستەر بايقالۋدا. اۋىل شارۋاشىلىعى قۇرىلىمدارى بارلىق جوسپارلى كٶرسەتكٸشتەرگە قول جەتكٸزٸپ, ٶنٸم ٶندٸرۋگە تىڭعىلىقتى دايىندالدى,- دەپ حابارلايدى Dalanews.kz
2025 جىلى وبلىس بويىنشا 462 مىڭ گەكتار القاپتا ىلعال جابۋ جۇمىستارى جٷرگٸزٸلدٸ. بۇل كٶرسەتكٸش تولىقتاي ورىندالدى. سونىمەن قاتار, 167 مىڭ گەكتار جەرگە كۋلتيۆاتسييا جاسالدى.
بٷگٸنگٸ كٷنگە وبلىس اۋماعىندا 390,7 مىڭ گەكتار جەرگە جازدىق ەگٸس جۇمىستارى جٷرگٸزٸلٸپ, جوسپار 106 پايىزعا ورىندالدى. ونىڭ ٸشٸندە:
- 205,3 مىڭ گەكتارعا دەندٸ داقىلدار,
- 121,1 مىڭ گەكتارعا مايلى داقىلدار,
- 60 مىڭ گەكتارعا مال ازىقتىق داقىلدار ەگٸلدٸ.
سونىمەن قاتار, 4,2 مىڭ گەكتار جەرگە كارتوپ پەن كٶكٶنٸس-باقشا ٶنٸمدەرٸ وتىرعىزىلدى.
جالپى ەگٸستٸك كٶلەمٸ – 633 مىڭ گەكتار. ونىڭ ٸشٸندە:
- دەندٸ داقىلدار – 296,8 مىڭ گا,
- مايلى داقىلدار – 121 مىڭ گا,
- مال ازىعى – 211 مىڭ گا,
- كارتوپ, كٶكٶنٸس, باقشا – 4,2 مىڭ گا.
2025 جىلعى كٶكتەمگٸ ەگٸسكە 29,4 مىڭ توننا تۇقىم قاجەت بولسا, ونىڭ بەرٸ تولىقتاي قامتاماسىز ەتٸلدٸ. بيۋدجەت ەسەبٸنەن 38 ملن تەڭگە بٶلٸنٸپ, تۇقىم ساپاسىن تەكسەرۋ ٷشٸن 10 789 زەرتتەۋ جۇمىسى جوسپارلاندى. وبلىستا ەكٸ ارنايى زەرتحانا جۇمىس ٸستەيدٸ: بٸرٸ – ورال قالاسىندا («كازاگرەكس» اق), ەكٸنشٸسٸ – دەركٶل كەنتٸندە («ورال-جەر» جشس).
كٶكتەمگٸ ەگٸس ناۋقانىنا قاجەتتٸ تەحنيكالار تولىقتاي جٶندەۋدەن ٶتٸپ, 100% دايىن كٷيدە ٸسكە قوسىلدى. سونىمەن قاتار, وبلىسقا 8,4 مىڭ توننا ديزەل وتىنى بٶلٸنٸپ, ونىڭ باسىم بٶلٸگٸ (6 مىڭ تونناسى) شارۋالارعا جەتكٸزٸلدٸ. قالعان 1,9 مىڭ تونناسى كٷزگٸ ەگٸس پەن مال ازىعىن جيناۋ جۇمىستارىنا قايتا باعىتتالدى.
وبلىستا 406 اۋىل شارۋاشىلىعى كووپەراتيۆٸ تٸركەلسە, ونىڭ 291-ٸ ناقتى جۇمىس ٸستەپ تۇر. نەگٸزگٸ باعىتى – مال شارۋاشىلىعى. 2023 جىلى 49 كووپەراتيۆكە 995 ملن تەڭگە نەسيە بەرٸلٸپ, 2024 جىلى تاعى 16 كووپەراتيۆ 396 ملن تەڭگەمەن قارجىلاندىرىلدى.
كووپەراتيۆ مٷشەلەرٸ (5000-نان استام ادام) يەلٸگٸندە 100 مىڭنان استام مال بار. ٶتكەن جىلى ولار 9 مىڭ توننا سٷت, 275 توننا ەت, 4,7 مىڭ توننا كارتوپ, 575 توننا كٶكٶنٸس, 541 توننا بيداي جەنە باسقا دا ٶنٸمدەر ٶندٸردٸ.
2023 جىلى «اۋىل اماناتى» باعدارلاماسى اياسىندا 6,4 ملرد تەڭگە بٶلٸنٸپ, 992 شاعىن نەسيە بەرٸلدٸ. سونىڭ نەتيجەسٸندە 1135 جاڭا جۇمىس ورنى قۇرىلدى.
2024 جىلى 2,5 ملرد تەڭگەگە 268 نەسيە بەرٸلٸپ, 400 ادام جۇمىسپەن قامتىلدى.
2025 جىلعا ارنالعان جوسپار – 5,5 ملرد تەڭگەگە 815 ادامعا نەسيە بەرۋ جەنە 886 جۇمىس ورنىن قۇرۋ.
باتىس قازاقستان وبلىسىندا ٶسٸمدٸك شارۋاشىلىعى جٷيەلٸ جولعا قويىلىپ كەلەدٸ. اۋىل شارۋاشىلىعى كووپەراتيۆتەرٸ مەن مەملەكەتتٸك قولداۋلاردىڭ ارقاسىندا اۋىل تۇرعىندارىنىڭ تابىسى ارتىپ, جاڭا جۇمىس ورىندارى اشىلۋدا. بۇل – اۋىل ەكونوميكاسىنىڭ ٶركەندەۋٸ جولىنداعى ماڭىزدى قادام.
