Batys Qazaqstan oblysy Báıterek aýdanynda jalpy aýdany 45,9 gektar jer telimderi baý-baqsha jáne saıajaı qurylysyna satyp alý quqyǵymen azamattardyń jeke menshigine zańsyz berilgen, dep habarlaıdy Dalanews.kz.
Ýchaskeni jeke menshikke berý kezinde belgilengen tólemniń bazalyq mólsherlemesi negizsiz tómendetilgeni, osylaısha ýchaskeler 1,1 mln teńge kóleminde tómen baǵamen satylǵany anyqtaldy, al naqty baǵasy 107,3 mln teńge bolǵan, – delingen prokýratýra habarlamasynda.
Aýdandyq jer qatynastary bóliminiń bastyǵyna qatysty qyzmettik ókilettikterdi asyra paıdalanǵany úshin arnaıy prokýrorlar sotqa deıingi tergep-tekserýdi júrgizdi. Qylmystyq is aýdandyq sotqa jiberildi.
2024 jyldyń 16 qyrkúıeginde sot aıyptalýshyny kináli dep taýyp, 3 jyl 6 aıǵa bas bostandyǵynan aıyrdy.
Memleketke keltirilgen shyǵyndy óteý týraly talap tolyǵymen qanaǵattandyryldy.
