Úlken aýyldyq okrýgindegi №332 referendým ýchaskesi daýys berý kúninde aitarlyqtai belsendilikpen erekshelendi.
Daýys berýge quqyǵy bar azamattardyń tiziminde 1096 turǵyn tirkelgen bolsa, olardyń 1066-sy daýys berýge kelip, óz tańdaýlaryn jasady. Bul jalpy daýys berýshilerdiń 97%-yn quraidy, bul aýyl turǵyndarynyń azamattyq belsendiliginiń joǵary deńgeide ekenin kórsetedi.
Tańerteńnen bastap turǵyndar referendým ýchaskesine kele bastady. Daýys berý protsesine qatysqan aýyl turǵyndarynyń biri, jeke kásipker Rahima Qaiyrbekova, referendýmnyń mańyzy týraly óz oiymen bólisti:
– Búgingi referendým – el bolashaǵyna tikelei áser etetin mańyzdy qadam. Halyq óz bolashaǵyna qatysty sheshimderdi ózi qabyldai alatynyn túsinýi kerek. Biz árbir daýysymyz arqyly memlekettiń damýyna úles qosyp otyrmyz. Búgingi tańdaýda meni azamattyq boryshym alǵa jeteledi, – dedi ol.
Úlken aýylynyń turǵyndary eldegi mańyzdy máseleler boiynsha sheshim qabyldaý jaýapkershiligin sezinip, birlikpen referendýmǵa qatysty. Belsendilik tek bul aýylda ǵana emes, jalpy aýdan boiynsha da joǵary boldy. Jambyl aýdanyndaǵy 77-shi referendým ýchaskesi de óz jumysyn qarqyndy júrgizdi, sailaýshylar tolassyz daýys berýge keldi.
Bul kórsetkishter halyqtyń bolashaqqa degen jaýapkershiligi men eldegi demokratiialyq protsesterge degen qyzyǵýshylyǵyn aiqyn ańǵartady.
