Maqtaaraldyq sharýalar men maqtashylar búgingi tarıhı sátke beıjaı qaramaı AES salýǵa qatysty óz tańdaýlaryn jasady.
Qazirgi tańda maqta alqaptarynda 2 myńǵa jýyq adam jumys isteýde. Jalpy aýdan boıynsha 62 referendým ýchaskesi tańerteńnen bastap saılaýshylar úshin ashyq tur.
Aýdanda 69 940 referendýmǵa qatysýǵa quqyǵy bar azamattar tirkelgen.
Maqtaaral aýdanynda múgedektigi bar azamattarǵa jaǵdaı jasaý úshin 61 saılaý ýchaskeleri arnaıy kabınalarmen, taktıldik kórsetkishtermen, arnaıy buryshtarmen, monıtorly kompútermen, qulaqaspaptarmen, ulǵaıtqyshtarmen, tutqalarmen jáne pandýstarmen tolyq jabdyqtalǵan.
Sonymen birge, 11 sýrdo-tıflo aýdarmashy, 3 ınvataksı, 4 áleýmettik taksımen qyzmet kórsetýde.
