Tasybaevtar áýletiniń kelinderi Qyzyltaý aýyldyq okrýginde №194 ýchaskede tańdaý jasaǵan, dep habarlaidy Dalanews.kz @Pavlodarnews.kz-ke siltep.
Aýyzbirshilikti ustanǵan, bes saýsaǵynan óner tamǵan ónerli kelinder búgingi el bolashaǵy úshin mańyzdy kúnde birliktiń úlgisin kórsetken.
Bir áýletten shyqqan segiz kelinniń tórteýi bir otbasynan bolsa, tórteýi – nemere kelinder.
– Biz toi-dýmandarda únemi birge júremiz. Tórt abysyn aýylda tursa, tórteýi qalada turady. Eń úlken abysynymyz Rymgúl Tasybaeva «Juldyz» shaǵyn ortalyǵynyń tárbieshisi. Onyń óziniń kelini bar. Ata-enemniń qolynda jeti kelin bolsa, men – eń kenjesimin, – deidi bastaýysh synyp muǵalimi Nazym Tasybaeva.
Aýyldyń kórkeiýine úles qosyp kele jatqan áýlettiń balalary men nemereleri túrli salada – ustazdyqtan bastap, memlekettik qyzmet salasynda eńbek etýde.
Aita keterligi, Tasybaevtar áýletiniń kelinderi Almatyda ótken respýblikalyq «Abysyn-ajyn» III respýblikalyq baiqaýynda júldeli II oryndy ielengen.
