Mańǵystaýda «Alash arystary» saılaý ýchaskelerin aralap, halyq qoshemetine bólendi, - dep habarlaıdy Dalanews.kz.
Mańǵystaý oblystyq mýzykalyq-drama teatrynda 6 qazan — Referendým kúni Alash arystaryna arnalǵan «Amanat» spektakilin sahnalaý josparlanǵan.
El keleshegi úshin eleýli kúni ult kósemderiniń keıipindegi ártister saılaý ýchaskelerin aralap, tarıhı tulǵalardyń ónegesin kópshilikke jetkizdi.
Saılaý ýchaskelerinde Ahmet Baıtursynov, Mirjaqyp Dýlatov, Álıhan Bókeıhanov, Júsipbek Aımaýytov, Sáken Seıfýllın, Shákárim Qudaıbergenuly, Mustafa Shoqaı, Jalaý Myńbaev syndy ult qaıratkerleriniń jáne ókpe jyr júırigi Súgir jyraý Begendikulynyń keıipindegi óner ókilderi eldiń saıası baǵdaryn aıqyndaıtyn mańyzdy naýqanǵa qoldaý kórsetti.
Daýys berýshiler «Alash arystarymen» sýretke túsý múmkindigine ıe bolyp, ótken tarıhqa oı júgirtti.
— Alash aıbynyn asyrǵan arda tulǵalar bolmysy saılaýshylardyń otansúıgishtik sezimi men azamattyq belsendiligin arttyrýǵa septesti, —deıdi mańǵystaýlyq turǵyn.
