ماڭعىستاۋدا «الاش ارىستارى» سايلاۋ ۋچاسكەلەرىن ارالاپ، حالىق قوشەمەتىنە بولەندى، - دەپ حابارلايدى Dalanews.kz.
ماڭعىستاۋ وبلىستىق مۋزىكالىق-دراما تەاترىندا 6 قازان — رەفەرەندۋم كۇنى الاش ارىستارىنا ارنالعان «امانات» سپەكتاكىلىن ساحنالاۋ جوسپارلانعان.
ەل كەلەشەگى ءۇشىن ەلەۋلى كۇنى ۇلت كوسەمدەرىنىڭ كەيىپىندەگى ارتىستەر سايلاۋ ۋچاسكەلەرىن ارالاپ، تاريحي تۇلعالاردىڭ ونەگەسىن كوپشىلىككە جەتكىزدى.
سايلاۋ ۋچاسكەلەرىندە احمەت بايتۇرسىنوۆ، ءمىرجاقىپ دۋلاتوۆ، ءاليحان بوكەيحانوۆ، جۇسىپبەك ايماۋىتوۆ، ساكەن سەيفۋللين، شاكارىم قۇدايبەرگەن ۇلى، مۇستافا شوقاي، جالاۋ مىڭبايەۆ سىندى ۇلت قايراتكەرلەرىنىڭ جانە وكپە جىر جۇيرىگى سۇگىر جىراۋ بەگەندىك ۇلىنىڭ كەيىپىندەگى ونەر وكىلدەرى ەلدىڭ ساياسي باعدارىن ايقىندايتىن ماڭىزدى ناۋقانعا قولداۋ كورسەتتى.
داۋىس بەرۋشىلەر «الاش ارىستارىمەن» سۋرەتكە ءتۇسۋ مۇمكىندىگىنە يە بولىپ، وتكەن تاريحقا وي جۇگىرتتى.
— الاش ايبىنىن اسىرعان اردا تۇلعالار بولمىسى سايلاۋشىلاردىڭ وتانسۇيگىشتىك سەزىمى مەن ازاماتتىق بەلسەندىلىگىن ارتتىرۋعا سەپتەستى، —دەيدى ماڭعىستاۋلىق تۇرعىن.
