Samar aýdanynyń kókparshylary referendým kúni daýys berý ýchaskelerine kelip, óz tańdaýlaryn jasady. Sportshylar tarihi mańyzdy naýqanǵa ulttyq naqyshtaǵy sporttyq formalarymen kelýdi jón dep sanaǵan eken.
Búginge Samar aýdanynda Kókjota men Bastaýshy aýylyn qosa alǵanda barlyǵy 50 shaqty shabandoz bar. Alaida, aýdan atynan oblystyq dodadalarǵa 12 adamnan turatyn qurama komanda shyǵyp júr. Búgin sol kókparshylardyń bapker bastaǵan bir toby ulttyq naqyshtaǵy sporttyq formalarymen kelse, qalǵandary óz ýchaskelerine kún boiy daýys bermek.
Qos aýyldyń kókparshylary №835, №836 daýys berý ýchaskelerine kelip referendýmǵa ún qosty.
Dúiim jurtty aýzyna qaratqan kókpar sporty boiynsha bapker Serik Aimuhambetovtyń aitýynsha, kez kelgen búkilhalyqtyq is-sharaǵa sporttyq rýhpen kelmeý, naǵyz azamattyq belsendilikti tanytpaý kókparshylar úshin syn.
– Aýdannyń kókparshylary sporttan qandai habary bolsa, eldegi jaǵdaidy da sonshalyqty bilip, úles qosýy mańyzdy, – dep qorytty oiyn Serik Asylhatuly.
Al Samar aýdany ishki saiasat, mádeniet, tilderdi damytý jáne sport bóliminiń basshysy Asqar Ysqaq osyndai kópshilik jinalǵan jerde el qundylyqtaryn nasihattaý da kóleńkede qalmaǵany jón dep otyr.
– Biz, árine, osynaý mańyzdy naýqanǵa halyqtyń nazaryn aýdartýǵa tyrysýdamyz. Sol sebepten de sportshylarymyz ulttyq naqyshtaǵy formalarymen keldi. Qalai daýys berilse de, bastysy eshkim bei-jai qaramaýy kerek, ýchaskelerge daýys berýshilerdiń kelýi barynsha belsendi bolyp jatyr, – dedi bólim basshysy.
