سامار اۋدانىنىڭ كوكپارشىلارى رەفەرەندۋم كۇنى داۋىس بەرۋ ۋچاسكەلەرىنە كەلىپ، ءوز تاڭداۋلارىن جاسادى. سپورتشىلار تاريحي ماڭىزدى ناۋقانعا ۇلتتىق ناقىشتاعى سپورتتىق فورمالارىمەن كەلۋدى ءجون دەپ ساناعان ەكەن.
بۇگىنگە سامار اۋدانىندا كوكجوتا مەن باستاۋشى اۋىلىن قوسا العاندا بارلىعى 50 شاقتى شاباندوز بار. الايدا، اۋدان اتىنان وبلىستىق دودادالارعا 12 ادامنان تۇراتىن قۇراما كوماندا شىعىپ ءجۇر. بۇگىن سول كوكپارشىلاردىڭ باپكەر باستاعان ءبىر توبى ۇلتتىق ناقىشتاعى سپورتتىق فورمالارىمەن كەلسە، قالعاندارى ءوز ۋچاسكەلەرىنە كۇن بويى داۋىس بەرمەك.
قوس اۋىلدىڭ كوكپارشىلارى №835، №836 داۋىس بەرۋ ۋچاسكەلەرىنە كەلىپ رەفەرەندۋمعا ءۇن قوستى.
ءدۇيىم جۇرتتى اۋزىنا قاراتقان كوكپار سپورتى بويىنشا باپكەر سەرىك ايمۇحامبەتوۆتىڭ ايتۋىنشا، كەز كەلگەن بۇكىلحالىقتىق ءىس-شاراعا سپورتتىق رۋحپەن كەلمەۋ، ناعىز ازاماتتىق بەلسەندىلىكتى تانىتپاۋ كوكپارشىلار ءۇشىن سىن.
– اۋداننىڭ كوكپارشىلارى سپورتتان قانداي حابارى بولسا، ەلدەگى جاعدايدى دا سونشالىقتى ءبىلىپ، ۇلەس قوسۋى ماڭىزدى، – دەپ قورىتتى ويىن سەرىك اسىلحات ۇلى.
ال سامار اۋدانى ىشكى ساياسات، مادەنيەت، تىلدەردى دامىتۋ جانە سپورت ءبولىمىنىڭ باسشىسى اسقار ىسقاق وسىنداي كوپشىلىك جينالعان جەردە ەل قۇندىلىقتارىن ناسيحاتتاۋ دا كولەڭكەدە قالماعانى ءجون دەپ وتىر.
– ءبىز، ارينە، وسىناۋ ماڭىزدى ناۋقانعا حالىقتىڭ نازارىن اۋدارتۋعا تىرىسۋدامىز. سول سەبەپتەن دە سپورتشىلارىمىز ۇلتتىق ناقىشتاعى فورمالارىمەن كەلدى. قالاي داۋىس بەرىلسە دە، باستىسى ەشكىم بەي-جاي قاراماۋى كەرەك، ۋچاسكەلەرگە داۋىس بەرۋشىلەردىڭ كەلۋى بارىنشا بەلسەندى بولىپ جاتىر، – دەدى ءبولىم باسشىسى.
