ورتالىق سايلاۋ كوميسسياسىنىڭ
2022 جىلى ەلىمىزدە كونستيتۋسيالىق وزگەرىستەر، ساياسي رەفورمالار تاقىرىبىندا رەفەرەندۋم وتسە، بيىلعى رەفەرەندۋمنىڭ ەرەكشەلىگى - مەملەكەتىمىزدىڭ ەكونوميكالىق، ەنەرگەتيكالىق دامۋىنا قاتىستى حالىقتىڭ پىكىرى الىندى. بۇل ەلىمىزدە اتالعان تاقىرىپتا ءوتىپ وتىرعان العاشقى رەفەرەندۋم دەسەك بولادى.
وسى ورايدا اتاپ وتەتىن دۇنيە تمد اۋماعىندا، اينالامىزداعى كورشى ەلدەردىڭ ىشىندە اتالعان باعىتتا رەفەرەندۋم وتكىزگەن بىردەن ءبىر ەل قازاقستان. بۇل ەلىمىزدىڭ دەموكراتيالىق باعىتتا دامۋىنا، ازاماتتاردىڭ بەلسەندىلىگىنىڭ ارتۋىنا ىقپال ەتەر وڭ ءۇردىستىڭ كورىنىسى.
جالپى، مەملەكەتىمىزدىڭ دامۋىنا قاتىستى وزەكتى تاقىرىپتاردا رەفەرەندۋم وتكىزۋ، ازاماتتاردىڭ پىكىرىن ەسكەرۋ قازاقستاندا دەموكراتيالىق قۇندىلىقتاردىڭ، جاڭا ساياسي مادەنيەتتىڭ، «حالىق ۇنىنە قۇلاق اساتىن مەملەكەت» كونسەپسياسىنىڭ ناتيجەلى جۇمىس ىستەپ كەلە جاتقاندىعىنىڭ دالەلى.
بۇگىنگى تاڭدا اۋىل، اۋدان مەن وبلىستىق ماڭىزى بار قالا اكىمدەرىن سايلاۋ، رەفەرەندۋم وتكىزۋ سىندى رەفورمالار پاكەتى ەلىمىزدىڭ دامۋىندا جاڭا ساياسي ءداستۇردى قالىپتاستىرىپ كەلەدى. بۇل مەملەكەتىمىزدە ىسكە اسىپ وتىرعان وڭ وزگەرىستەر دەپ ەسەپتەيمىن.
باۋىرجان سەرىكبايەۆ
