نۇراي سەرٸكبايدىڭ ٶلٸمٸ بويىنشا تەرگەۋ اياقتالدى, دەپ حابارلايدى dalanews.kz.
بۇل تۋرالى ادۆوكات ايانحان وماروۆ حابارلادى.
بٷگٸنگٸ كٷنگە دەيٸن جەبٸرلەنۋشٸ تاراپ پەن ولاردىڭ ادۆوكاتى قىلمىستىق ٸستٸڭ 1–7 تومدارىمەن تانىسىپ, ولاردىڭ كٶشٸرمەلەرٸن الدىق. قازٸرگٸ ۋاقىتتا قىلمىستىق ٸس ماتەريالدارىمەن تانىسۋ جالعاسۋدا. ٸستٸڭ بارلىق قاتىسۋشىلارى زاڭدا كٶزدەلگەن قۇقىقتارىن تولىق پايدالانىپ بولعاننان كەيٸن ٸس سوتقا جولدانادى. تانىسۋ بارىسى تۋرالى قوسىمشا اقپارات بەرٸلٸپ وتىرادى, - دەيدٸ ادۆوكات.
ايتا كەتەيٸك, 11 قاڭتاردا شىمكەنتتە 21 جاستاعى نۇراي سەرٸكباي پىشاق جاراقاتتارىنان كٶز جۇمدى. قايعىلى وقيعا بەينەباقىلاۋ كامەرالارىنا تٷسٸپ قالعان.
مارقۇمنىڭ تۋىستارىنىڭ ايتۋىنشا, نۇراي سەرٸكباي 11 رەت پىشاق جاراقاتىن العان.
كەيٸنٸرەك پوليتسييا قىزمەتكەرلەرٸ جەدەل ٸزدەستٸرۋ ٸس-شارالارى بارىسىندا 21 جاستاعى تۇرعىندى ٶلتٸردٸ دەگەن كٷدٸكپەن ەر ادامدى ۇستادى.
بۇعان دەيٸن كٷدٸكتٸ جىندىحاناعا جاتقىزىلعانى, الايدا اقىل-ەسٸ دۇرىس ەكەنٸ ايتىلدى.
