Búgin Batys Qazaqstan oblysy, Oral qalasynda «Taza Qazaqstan» jalpyulttyq ekologiialyq aktsiiasy aiasynda qala turǵyndary men bazar mańyndaǵy shaǵyn kásip ielerine túsindirý jumystary júrgizildi,- dep habarlaidy Dalanews.kz
Atalǵan is-sharanyń maqsaty — qoǵamda ekologiialyq mádenietti qalyptastyrý, qorshaǵan ortany qorǵaýǵa úndeý jáne eriktilerdiń qatysýymen jasyl bastamalardy ilgeriletý boldy.
Aktsiia aiasynda:
- 10-ǵa jýyq erikti jas birigip, belsendilik tanytty;
- 100-ge jýyq «Taza Qazaqstan» taqyrybyndaǵy aqparattyq broshiýra taratyldy;
- 150-ge jýyq qala turǵynyna turmystyq tazalyqty saqtaý jóninde túsindirý jumystary júrgizildi;
- Bazar aýmaǵyndaǵy 30 shaǵyn kásip iesine sanitarlyq talaptar men tazalyq normalary túsindirildi;
- Sonymen qatar, turǵyndar arnaiy daiyndalǵan «Biz – taza el úshin!» taqtaishasymen estelik sýretke tústi.
Shara barysynda Batys Qazaqstan oblysynyń jastarmen jumys jónindegi resýrstyq ortalyǵy basshysynyń orynbasary Nursultan Sarsenbaev aktsiianyń mańyzdylyǵyna toqtaldy.
«Aktsiianyń negizgi maqsaty — qoǵamdy ekologiialyq mádenietke tárbieleý, qorshaǵan ortany taza ustaýǵa úndeý jáne eriktilerdi tartý arqyly ekologiialyq bastamalardy ilgeriletý. Apta saiyn óńirimizde tazalyq jumystary júrgizilip keledi. Búgingi sharamyzdyń basty ereksheligi — eriktilerdiń belsendiligi men halyqtyń ekologiialyq sana-sezimge oń kózqaraspen qaraýyn qalyptastyrý», — dep atap ótti ol.
Uiymdastyrýshylar bul bastamanyń jalǵasyn tabatynyn jáne Oral qalasynyń turǵyndaryn aldaǵy sharalarǵa belsendi túrde qatysýǵa shaqyrdy.
