بۇگىن باتىس قازاقستان وبلىسى، ورال قالاسىندا «تازا قازاقستان» جالپىۇلتتىق ەكولوگيالىق اكسياسى اياسىندا قالا تۇرعىندارى مەن بازار ماڭىنداعى شاعىن كاسىپ يەلەرىنە ءتۇسىندىرۋ جۇمىستارى جۇرگىزىلدى،- دەپ حابارلايدى Dalanews.kz
اتالعان ءىس-شارانىڭ ماقساتى — قوعامدا ەكولوگيالىق مادەنيەتتى قالىپتاستىرۋ، قورشاعان ورتانى قورعاۋعا ۇندەۋ جانە ەرىكتىلەردىڭ قاتىسۋىمەن جاسىل باستامالاردى ىلگەرىلەتۋ بولدى.
اكسيا اياسىندا:
- 10-عا جۋىق ەرىكتى جاس بىرىگىپ، بەلسەندىلىك تانىتتى؛
- 100-گە جۋىق «تازا قازاقستان» تاقىرىبىنداعى اقپاراتتىق بروشيۋرا تاراتىلدى؛
- 150-گە جۋىق قالا تۇرعىنىنا تۇرمىستىق تازالىقتى ساقتاۋ جونىندە ءتۇسىندىرۋ جۇمىستارى جۇرگىزىلدى؛
- بازار اۋماعىنداعى 30 شاعىن كاسىپ يەسىنە سانيتارلىق تالاپتار مەن تازالىق نورمالارى ءتۇسىندىرىلدى؛
- سونىمەن قاتار، تۇرعىندار ارنايى دايىندالعان «ءبىز – تازا ەل ءۇشىن!» تاقتايشاسىمەن ەستەلىك سۋرەتكە ءتۇستى.
شارا بارىسىندا باتىس قازاقستان وبلىسىنىڭ جاستارمەن جۇمىس جونىندەگى رەسۋرستىق ورتالىعى باسشىسىنىڭ ورىنباسارى نۇرسۇلتان سارسەنبايەۆ اكسيانىڭ ماڭىزدىلىعىنا توقتالدى.
«اكسيانىڭ نەگىزگى ماقساتى — قوعامدى ەكولوگيالىق مادەنيەتكە تاربيەلەۋ، قورشاعان ورتانى تازا ۇستاۋعا ۇندەۋ جانە ەرىكتىلەردى تارتۋ ارقىلى ەكولوگيالىق باستامالاردى ىلگەرىلەتۋ. اپتا سايىن وڭىرىمىزدە تازالىق جۇمىستارى جۇرگىزىلىپ كەلەدى. بۇگىنگى شارامىزدىڭ باستى ەرەكشەلىگى — ەرىكتىلەردىڭ بەلسەندىلىگى مەن حالىقتىڭ ەكولوگيالىق سانا-سەزىمگە وڭ كوزقاراسپەن قاراۋىن قالىپتاستىرۋ»، — دەپ اتاپ ءوتتى ول.
ۇيىمداستىرۋشىلار بۇل باستامانىڭ جالعاسىن تاباتىنىن جانە ورال قالاسىنىڭ تۇرعىندارىن الداعى شارالارعا بەلسەندى تۇردە قاتىسۋعا شاقىردى.
