7 mamyr – Otan qorǵaýshy kúnine orai Batys Qazaqstan oblysynyń ákimi Nariman Tóreǵaliev óńir turǵyndaryn aitýly merekemen quttyqtap, áskeri qyzmetkerler, quqyq qorǵaý salasynyń mamandary jáne el tynyshtyǵyn kúzetip júrgen barsha azamattarǵa jyly lebizin bildirdi,- dep habarlaidy Dalanews.kz
“Ata-babalarymyz amanattaǵan qasietti jerimizdiń tynyshtyǵy men Táýelsizdigimizdiń tuǵyrly bolýy – ár azamattyń asyl paryzy. Prezidentimiz, QR Qarýly Kúshteriniń Joǵarǵy Bas qolbasshysy Qasym-Jomart Kemeluly Toqaev atap ótkendei, «Armiia – memlekettigimizdiń myzǵymas tiregi, Táýelsizdigimizdiń kepili. Otan qorǵaý – qasietti paryz ári mártebeli mindet». Bul – el qorǵaý isiniń mańyzdylyǵyn aishyqtaityn tereń oily sóz, – dedi óńir basshysy.
Oblys ákimi óz quttyqtaýynda Memleket basshysynyń Otan qorǵaýshylarǵa jáne áskeri qyzmetkerlerge kórsetip otyrǵan airyqsha qurmetine de nazar aýdardy:
"Aǵymdaǵy jyldyń 14 sáýirinde Memleket basshysy halyqaralyq bitimgerlik missiialarǵa qatysqan áskeri qyzmetshilermen kezdesip, olardyń eńbegine joǵary baǵa berdi. Qazaqstandyq bitimgerler Birikken Ulttar Uiymynyń aiasynda 2014 jyldan beri 700-ge jýyq sarbazben túrli halyqaralyq operatsiialarǵa qatysyp, el abyroiyn asqaqtatyp keledi.
Keshe ǵana Aqorda tórinde Otan qorǵaýshylar kúnine orai ótkizilgen saltanatty jiynda memlekettik nagradalar tapsyryldy. Bul – memleket tarapynan kórsetilgen zor qurmet, joǵary baǵalaý", – dedi Nariman Tóreǵaliev.
Oral qalasyndaǵy «Atameken» óner ordasynda ótken saltanatty jiynda sondai-aq, oblys basshysy qyzmette erekshe kózge túsken, jetistikterimen tanylǵan azamattarǵa qurmet kórsetip, alǵys hattarmen marapattady.
Shara patriottyq rýhty kótergen áserli kontsertpen qorytylandy.
