Óz sózinde Qanat Bozymbaev Memleket basshysy aldaǵy ýaqytta ótkiziletin barlyq sala boiynsha júrgiziletin reformalarǵa bailanysty memlekettik organdardyń mindetterin aiqyndap bergenin atap ótti.
Oblys ákiminiń aitýynsha, «Aýyl – El besigi» jáne «Biznestiń jol kartasy» baǵdarlamalaryna engizý úshin injenerlik jáne áleýmettik infraqurylymdary álsiz, biraq perspektivasy bar eldi mekenderdiń tizimin anyqtaý kerek.
Qanat Bozymbaev óńirlerde qolaily investitsiialyq klimat qalyptastyrý, shaǵyn jáne orta biznestiń damýyna jaǵdai jasaý, naryqta ádil básekelestikti damytý týraly da qadap aitty.
Sonymen qatar áleýmettik mańyzy bar azyq-túlikterdiń baǵasyn ósirýge jol bermeý, azyq-túlik qaýipsizdigin qamtamasyz etý, kommýnaldyq qyzmetterdiń jumysyn úzdiksiz júrgizý sharalary da qatań baqylaýda bolýy tiis.
– Aýdan, qala ákimderi, halyqtan qashpai, sóilese bilińizder, kópshilikpen birlesip jumys jasańyzdar. Óńirlerde jańa jumys oryndaryn ashyp, turǵyndardyń ál-aýqatyn kóterýge jaǵdai jasaýymyz kerek. Oblys kóleminde disproportsiiany boldyrmai, teń jaǵdaida damytýǵa tiispiz. Ol úshin Almaty mańyndaǵy aýdandarda ǵana emes, Taldyqorǵan óńirinde de indýstrialdy aimaqtar qurý jóninde usynys daiyndaýdy tapsyramyn. Oblysta biryńǵai ekonomikalyq baǵdarlama bolýy kerek. Prezidenttiń basshylyǵymen qolǵa alynyp otyrǵan áleýmettik-ekonomikalyq jańa saiasat halyqtyń turmys jaǵdaiyn kóterýde óz jemisin kórsetýi tiis. Sol siiaqty koronavirýstyń «omikron» shtamynyń taralýyna jol bermeý, vaktsinatsiia men revaktsinatsiia jumystaryn nazardan tys qaldyrmaýymyz kerek, – dedi Qanat Bozymbaev.
Jalpy jiyn barysynda qoǵamdyq-saiasi turaqtylyqty saqtaý men áleýmettik-ekonomikalyq damýdyń jańa talaptaryna qatysty kóptegen máseleler pysyqtaldy. Búlik kezinde keltirilgen shyǵyndardyń aldyn ala esepteý málimetteri de aityldy. Sondai-aq aýdan, qala ákimderine qaitys bolǵan politsiia qyzmetkerleri otbasynyń hal-jaǵdaiyn, qandai kómek qajettigin bilip, barlyq tiisti qoldaý sharalaryn kórsetý tapsyryldy.
Belgili bolǵanyndai, erteńnen bastap ekinshi deńgeili bankter jumysqa kirisip, bankomattar iske qosylady. Oblys ishilik jolaýshy tasymaly baǵyttary jandanady. Ázirge tótenshe jaǵdaiǵa bailanysty mektepke deiingi mekemeler jumys istemeidi.
