Qazaqstandyq dáriger ári eks-densaýlyq saqtaý vitse-ministri Liýdmila Biýrabekova borandy kúni jolda qalyp qoiǵan jaǵdaida ne isteý kerek ekenin aitty, dep habarlaidy Dalanews.kz.
Qatty aiaz ben qarly boran kezinde qajetti daiyndyq pen is-áreket boiynsha jadynama:
1.Jolǵa daiyndyq
• Marshrýtty muqiiat josparlap, aýa raiy boljamyn aldyn ala zertteńiz.
• Avtokóligińizdiń tehnikalyq jaǵdaiyn tekserińiz: janarmai, antifriz jáne mai deńgeiin anyqtap, qajetinshe toltyryńyz.
• Apattyq jiyntyqty daiyndańyz: súireý arqany, syrǵanaýǵa qarsy shynjyrlar, kúrek, kórpe, jyly kiim, azyq-túlik, sý, batareiasy bar fonar, dári-dármek qobdishasy, telefon qýattaǵysh.
2.Kólikte mindetti túrde bolýy kerek zattar
• Jylytý quraldary (mysaly, shamdar men sirińkeler), qosymsha janarmai jáne jóndeý quraldary.
• Telefon nemese ratsiia úshin qosymsha qýat kózi, bailanysty úzbeý úshin qajet.
3.Toppen qozǵalý
• Qatty aiaz jáne boran kezinde birneshe kólikpen birge kolonnada júrý usynylady. Bul apat nemese aqaý bolǵan jaǵdaida kómek alý múmkindigin arttyrady.
4.Boran jolda bastalsa, ne isteý kerek
• Qaýipsiz jerge toqtańyz.
• Kóligińizdi kórnekti etý úshin jarqyn mata nemese jypylyqtaityn shamdar qoldanyńyz.
• Kólikti jelge qarsy baǵyttap qoiyp, radiatordy jabyńyz – bul qozǵaltqyshty sýytýdy azaitady.
• Janarmaidy únemdeńiz. Pesh pen qozǵaltqyshty ara-tura qosyp, únemi jumys istetpeńiz.
5.Kólik qarǵa kómilip qalsa
• Kóliktiń tútin shyǵaratyn qubyryn jii tazalańyz, ýly gazdyń ishke kirip ketýinen saqtanyńyz.
• Salondy jeldetý úshin esikti nemese terezeni birneshe sekýndqa ashyp turyńyz.
• Kólikten shyǵý kerek bolsa, ózińizdi arqanmen nemese uzyn zatpen bailap shyǵyńyz – baǵyttan adasyp ketpeý úshin.
6.Kólik júrmei qalsa
• Jaǵdaidy baǵalańyz: jaqyn mańdaǵy nysandardy, eldi mekenge deiingi qashyqtyqty jáne bailanys múmkindigin anyqtańyz.
• Kólikte qalýdy sheshseńiz, únemi qimyldap, uiyqtamaýǵa tyrysyńyz – muzdap qalmaý úshin.
• Signal berý quraldaryńyz bolsa (jaryq, raketa), olardy kómek shaqyrý úshin paidalanyńyz.
7.Kómek izdeýge shyǵý
• Bul qadamdy tek kóriný deńgeii jaqsy bolǵan jaǵdaida jáne asa qajettilik týyndaǵanda ǵana jasańyz.
• Barynsha jyly kiinińiz, ashyq teri bólikterin jaýyp júrińiz.
• Avtokólikte jazbasha túrde marshrýt pen shyǵý ýaqytyńyzdy qaldyryńyz.
Usynystar:
• Aýa raiy boljamdary men daýyldyq eskertýlerdi únemi baqylap júrińiz.
• Jaman aýa raiynda jolǵa shyqpańyz jáne daýyl kezinde jolǵa shyǵýdan bas tartyńyz.
• Jaqyndaryńyzǵa baǵytyńyz ben kelý ýaqytyńyz týraly habar berińiz.
Ózińizdi jáne jaqyndaryńyzdy saqtańyz
