Bolat Nazarbaev onymen kelispei, appeliatsiialyq shaǵym túsirgen edi. Búgin appeliatsiialyq sot ol shaǵymdy qanaǵattandyrmady.
Bolat dáýiriniń aiaqtalýymen oligopoliianyń bazardaǵy diktatýrasy bitti deýge bolady. "Altyn Orda" men "Optovka" máselesi sheshildi.
Endi memleketke sońǵy qadam jasap, Almatynyń qaq ortasyndaǵy "Nikolskii" bazaryn ózine qaitarý ǵana qalyp otyr. Bul rette, 2017 jyldary Jer qatynastary basqarmasynda basshynyń orynbasary bolǵan, jerdi Bolat Nazarbaevqa jazyp bergen Ardaq Samambetov degen sheneýikke úlken suraqtar týyndaityn bolady.
DALA INSIDE derekkózi Bolat Nazarbaevtyń "Nikolskii" bazary úshin qasyq qany qalǵansha aiqasýǵa býynyp otyrǵanyn habarlady.
Biraq memleket te bul isti sońyna deiin jetkizbek. Sondyqtan "Qazaqstan VS Bolat Nazarbaev" jekpe-jeginde biz úshinshi raýndty kóretin bolamyz.
"Optovkanyń" kommýnaldy balansqa oralýymen biyl Almaty ekonomikasy odan da tezirek ósetin bolady.
Buǵan deiin Bolat Nazarbaev Almatynyń damýyna múmkindik bermei kelgen edi. Qazir Almaty Qazaqstandaǵy búkil saýdanyń úshten birin (32.3%) jasaidy.
Almatynyń ekonomikasy byltyr 43 milliard dollar boldy. Biyl Almaty Qazaqstan biýdjetine 207 milliard teńge berýi tiis. Eger "Bolat dáýiri" aiaqtalyp, "Nikolskii" bazary kommýnaldy menshikke qaitsa, qalanyń ishki aimaqtyq ónimi taǵy 0,3% impýls almaq.
