بولات نازاربايەۆ ونىمەن كەلىسپەي، اپپەلياسيالىق شاعىم تۇسىرگەن ەدى. بۇگىن اپپەلياسيالىق سوت ول شاعىمدى قاناعاتتاندىرمادى.
بولات ءداۋىرىنىڭ اياقتالۋىمەن وليگوپوليانىڭ بازارداعى ديكتاتۋراسى ءبىتتى دەۋگە بولادى. "التىن وردا" مەن "وپتوۆكا" ماسەلەسى شەشىلدى.
ەندى مەملەكەتكە سوڭعى قادام جاساپ، الماتىنىڭ قاق ورتاسىنداعى "نيكولسكيي" بازارىن وزىنە قايتارۋ عانا قالىپ وتىر. بۇل رەتتە، 2017 جىلدارى جەر قاتىناستارى باسقارماسىندا باسشىنىڭ ورىنباسارى بولعان، جەردى بولات نازاربايەۆقا جازىپ بەرگەن ارداق سامامبەتوۆ دەگەن شەنەۋىككە ۇلكەن سۇراقتار تۋىندايتىن بولادى.
DALA INSIDE دەرەككوزى بولات نازاربايەۆتىڭ "نيكولسكيي" بازارى ءۇشىن قاسىق قانى قالعانشا ايقاسۋعا بۋىنىپ وتىرعانىن حابارلادى.
ءبىراق مەملەكەت تە بۇل ءىستى سوڭىنا دەيىن جەتكىزبەك. سوندىقتان "قازاقستان VS بولات نازاربايەۆ" جەكپە-جەگىندە ءبىز ءۇشىنشى راۋندتى كورەتىن بولامىز.
"وپتوۆكانىڭ" كوممۋنالدى بالانسقا ورالۋىمەن بيىل الماتى ەكونوميكاسى ودان دا تەزىرەك وسەتىن بولادى.
بۇعان دەيىن بولات نازاربايەۆ الماتىنىڭ دامۋىنا مۇمكىندىك بەرمەي كەلگەن ەدى. ءقازىر الماتى قازاقستانداعى بۇكىل ساۋدانىڭ ۇشتەن ءبىرىن (32.3%) جاسايدى.
الماتىنىڭ ەكونوميكاسى بىلتىر 43 ميلليارد دوللار بولدى. بيىل الماتى قازاقستان بيۋدجەتىنە 207 ميلليارد تەڭگە بەرۋى ءتيىس. ەگەر "بولات ءداۋىرى" اياقتالىپ، "نيكولسكيي" بازارى كوممۋنالدى مەنشىككە قايتسا، قالانىڭ ىشكى ايماقتىق ءونىمى تاعى 0،3% يمپۋلس الماق.
