Kásipker buǵan deiin biznesti reiderlik basyp alýdyń qurbany boldym dep málimdegen.
Áýezov aýdanynyń № 2 aýdandyq sotyna Bolat Nazarbaevtan ar-namysyn, qadir-qasietin, iskerlik bedelin qorǵaý jáne moraldyq ziiandy óteý týraly talap aryz túsken. «Sotqa deiingi hattamany daiyndaýmen tatýlastyrý rásimi» 27 maýsymǵa belgilengen.
Sáýirdiń basynda Abdýllaev 2006 jyly ashylǵan kásiporyn kirisin Bolat Nazarbaevpen bólisýge májbúr bolǵanyn aitqan. Aitýynsha, oǵan barlyq biznes nysandarynan ai saiyn 300 myń dollar tólep turǵan. Osylaisha 15 jyl ishinde Abdýllaev Nursultan Nazarbaevtyń inisine 60 million dollarǵa jýyq aqsha aýdarǵan.
Zaýytta 400-ge jýyq adam jumys isteidi. Ol jylyna orta eseppen 100 million túrli bótelkeler men konserviler shyǵarady. Zaýyt jylyna 5 million dollarǵa jýyq tabys ákeledi.
15 sáýirde Antikor reiderlik basyp alý faktisi boiynsha tergeýdi bastaǵany belgili boldy.
Eske salaiyq, 20 maýsymda Bolat Nazarbaev pen onyń burynǵy áieline qatysty qylmystyq is qozǵalǵany týraly aqparat paida boldy. Istiń qozǵalýyna «KARÝAN» JShS quryltaishysy Nursha Kákenovtiń reiderlik áreket týraly aryzy sebep bolǵany habarlandy. Bul týraly aqparatty Qarjy monitoringi agenttigi rastady.
