كاسىپكەر بۇعان دەيىن بيزنەستى رەيدەرلىك باسىپ الۋدىڭ قۇربانى بولدىم دەپ مالىمدەگەن.
اۋەزوۆ اۋدانىنىڭ № 2 اۋداندىق سوتىنا بولات نازاربايەۆتان ار-نامىسىن، قادىر-قاسيەتىن، ىسكەرلىك بەدەلىن قورعاۋ جانە مورالدىق زياندى وتەۋ تۋرالى تالاپ ارىز تۇسكەن. «سوتقا دەيىنگى حاتتامانى دايىنداۋمەن تاتۋلاستىرۋ ءراسىمى» 27 ماۋسىمعا بەلگىلەنگەن.
ءساۋىردىڭ باسىندا ابدۋللايەۆ 2006 جىلى اشىلعان كاسىپورىن كىرىسىن بولات نازاربايەۆپەن بولىسۋگە ءماجبۇر بولعانىن ايتقان. ايتۋىنشا، وعان بارلىق بيزنەس نىساندارىنان اي سايىن 300 مىڭ دوللار تولەپ تۇرعان. وسىلايشا 15 جىل ىشىندە ابدۋللايەۆ نۇرسۇلتان نازاربايەۆتىڭ ىنىسىنە 60 ميلليون دوللارعا جۋىق اقشا اۋدارعان.
زاۋىتتا 400-گە جۋىق ادام جۇمىس ىستەيدى. ول جىلىنا ورتا ەسەپپەن 100 ميلليون ءتۇرلى بوتەلكەلەر مەن كونسەرۆىلەر شىعارادى. زاۋىت جىلىنا 5 ميلليون دوللارعا جۋىق تابىس اكەلەدى.
15 ساۋىردە انتيكور رەيدەرلىك باسىپ الۋ فاكتىسى بويىنشا تەرگەۋدى باستاعانى بەلگىلى بولدى.
ەسكە سالايىق، 20 ماۋسىمدا بولات نازاربايەۆ پەن ونىڭ بۇرىنعى ايەلىنە قاتىستى قىلمىستىق ءىس قوزعالعانى تۋرالى اقپارات پايدا بولدى. ءىستىڭ قوزعالۋىنا «كارۋان» ج ش س قۇرىلتايشىسى نۇرشا كاكەنوۆتىڭ رەيدەرلىك ارەكەت تۋرالى ارىزى سەبەپ بولعانى حابارلاندى. بۇل تۋرالى اقپاراتتى قارجى مونيتورينگى اگەنتتىگى راستادى.
