Agenttiktiń jaǵdaimen jaqyn tanys derekkózi tap búgin Bolat Nazarbaevtyń infarktpen qaitadan aýrýhanaǵa jetkizilgenin jáne onyń jaǵdaiy múshkil ekenin rastaǵan.
Derekkózdiń málim etkenindei Nazarbaevtyń tóńiregindegiler tótennen kelgen jaǵdaiǵa bailanysty búginge josparlanǵan keibir sharalardy keiinge shegerýge májbúr bolǵan.
Bolat Nazarbaev 1953 jyly 23 naýryzda Almaty oblysy, Qarasai aýdany, Shamalǵan aýylynda dúniege kelgen.
1997 jyldan beri ol BN Invest holdingin basqarady. 2016 jyly «Saliqaly urpaq» qoǵamdyq qoryn qurdy. Sol jyly «Parasat» ordenimen marapattaldy.
Bolat Nazarbaevtyń esimi birqatar strategiialyq salalardaǵy aktivterdi monopoliialyq jolmen basyp alýmen, sondai-aq reiderlik shabýyldarmen jáne kompromattyq sipattaǵy basqa da árekettermen bailanysty.
"Saliqaly urpaq" qorynyń ókilderi Bolat Nazarbaev ólim men ómirdiń arasynda jatqanda óziniń biznes qurylymdaryn baqylamaǵanyn, dúnie-múlkine ainalasyndaǵylar bas-kóz bolǵanyn málimdep úlgerdi.
Buǵan deiin áriptesimiz Ibrash Núsipbaev Bolat Nazarbaevtyń densaýlyǵyna qatysty aqparattarǵa kúdikpen qaraitynyn ashyp aitqan.
"Nazarbaevtyń qory óziniń qojaiyny jaiynda shyndyqqa janaspaityn aqparatty taratyp, Bókeńdi Qańtar oqiǵasyna qatysy joq, sýdan taza, sútten aq adam retinde kórsetýge kúsh salyp jatyr", - deidi jýrnalist.
Aitqandai, "Arselor Mittaldyń" jańa qojaiyny týraly aqparat tarady. Tolyǵyraq osy jerde:
https://t.me/dalainside/1560
https://dalanews.kz/aimak/95023-almaty-oblysynda-otbasy-fest-otbasylyq-fest
https://dalanews.kz/del-qazir/79742-bolat-nazarbaev-sap-sau-ol-zhauapkershi
