اگەنتتىكتىڭ جاعدايمەن جاقىن تانىس دەرەككوزى تاپ بۇگىن بولات نازاربايەۆتىڭ ينفاركتپەن قايتادان اۋرۋحاناعا جەتكىزىلگەنىن جانە ونىڭ جاعدايى مۇشكىل ەكەنىن راستاعان.
دەرەككوزدىڭ ءمالىم ەتكەنىندەي نازاربايەۆتىڭ توڭىرەگىندەگىلەر توتەننەن كەلگەن جاعدايعا بايلانىستى بۇگىنگە جوسپارلانعان كەيبىر شارالاردى كەيىنگە شەگەرۋگە ءماجبۇر بولعان.
بولات نازاربايەۆ 1953 جىلى 23 ناۋرىزدا الماتى وبلىسى، قاراساي اۋدانى، شامالعان اۋىلىندا دۇنيەگە كەلگەن.
1997 جىلدان بەرى ول BN Invest حولدينگىن باسقارادى. 2016 جىلى «ساليقالى ۇرپاق» قوعامدىق قورىن قۇردى. سول جىلى «پاراسات» وردەنىمەن ماراپاتتالدى.
بولات نازاربايەۆتىڭ ەسىمى ءبىرقاتار ستراتەگيالىق سالالارداعى اكتيۆتەردى مونوپوليالىق جولمەن باسىپ الۋمەن، سونداي-اق رەيدەرلىك شابۋىلدارمەن جانە كومپروماتتىق سيپاتتاعى باسقا دا ارەكەتتەرمەن بايلانىستى.
"ساليقالى ۇرپاق" قورىنىڭ وكىلدەرى بولات نازاربايەۆ ءولىم مەن ءومىردىڭ اراسىندا جاتقاندا ءوزىنىڭ بيزنەس قۇرىلىمدارىن باقىلاماعانىن، دۇنيە-مۇلكىنە اينالاسىنداعىلار باس-كوز بولعانىن مالىمدەپ ۇلگەردى.
بۇعان دەيىن ارىپتەسىمىز يبراش نۇسىپبايەۆ بولات نازاربايەۆتىڭ دەنساۋلىعىنا قاتىستى اقپاراتتارعا كۇدىكپەن قارايتىنىن اشىپ ايتقان.
"نازاربايەۆتىڭ قورى ءوزىنىڭ قوجايىنى جايىندا شىندىققا جاناسپايتىن اقپاراتتى تاراتىپ، بوكەڭدى قاڭتار وقيعاسىنا قاتىسى جوق، سۋدان تازا، سۇتتەن اق ادام رەتىندە كورسەتۋگە كۇش سالىپ جاتىر"، - دەيدى جۋرناليست.
ايتقانداي، "ارسەلور ميتتالدىڭ" جاڭا قوجايىنى تۋرالى اقپارات تارادى. تولىعىراق وسى جەردە:
https://t.me/dalainside/1560
https://dalanews.kz/aimak/95023-almaty-oblysynda-otbasy-fest-otbasylyq-fest
https://dalanews.kz/del-qazir/79742-bolat-nazarbaev-sap-sau-ol-zhauapkershi
