Oblys ákimi Bolat Baqaýov konferentsiiaǵa qatysýshylarǵa sáttilik tilep, osyndai ǵylymi is-sharalardyń qanshalyqty mańyzdy ekendigin erekshe atady.
- Qazaq dalasy talai tarihi oqiǵalarǵa kýá bolǵan kieli jermen bai, - dedi Bolat Baqaýov. – 18-ǵasyr – halqymyz bastan keshirgen aýyr kezeńderdiń biri. Jońǵarlarǵa qarsy Ańyraqai, Bulanty shaiqastarynda ata-babalarymyz erlik tanytty.
Sondai iri shaiqastardyń biri bolǵan "Qalmaq qyrylǵan" Ertis óńirinde ótkeni barshaǵa belgili.
Óńir basshysy óz sózinde atap ótkendei, osy sekildi is-sharalar óskeleń urpaqtyń tárbiesinde mańyzdy oryn alady.
Bolat Baqaýovtyń aitýynsha, ótkennen sabaq alý arqyly jarqyn bolashaqqa jol ashylady.
"Qalmaq qyrylǵan" shaiqasy týraly málimet kóptegen jyldar boiy syry ashyla qoimaǵan tarihymyzdaǵy aqtańdaqtardyń biri bolyp kelgen.
Konferentsiiaǵa qatysqan Ál-Farabi atyndaǵy QazUÝ Dúnie júzi tarihy kafedrasynyń aǵa ǵylymi qyzmetkeri Irina Erofeevanyń aitýynsha, tek 20-ǵasyrdyń 80-jyldary ǵana shyǵystanýshy Vladimir Moiseevtiń eńbeginiń arqasynda bul tarihi oqiǵanyń alatyn orny aishyqtalǵan bolatyn.
- Kóptegen jyldar boiy keńestik arhivterge qolymyz jetpeitin, - deidi Irina Erofeeva. – Al onda jumys istegen sanaýly ǵalymdar alǵan málimetterine shekteý qoiyldy. Máselen, kez kelgen saiasi sipatqa ie aqparat joiylatyn. Tek 20-ǵasyrdyń 80-jyldary ǵana Vladimir Moiseev qazaq-oirat soǵystary týraly málimetterge qol jetkize aldy.
Toraiǵyrov ýniversitetiniń E. Bekmahanov atyndaǵy ólkeniń tarihy men mádenietin zertteý ǵylymi ortalyǵynyń direktory Amantai Qudabaevtyń aitýynsha, Mai aýdany Aqshiman aýyly mańynda qazaq-oirat shaiqasy ótken jerdi «Qalmaq qyrylǵan» emes, «Qalmaqqyrǵan» dep ataǵan durys.
- Zertteýler arqasynda shaiqastyń ýaqyty men ornyn dál anyqtaýǵa múmkindik aldyq, - deidi Amantai Qudabaev. – Shaiqas 1741 jyly naýryz-sáýir ailarynda oryn alǵan. Ol jerdi Qalmaqqyrǵan dep ataǵan durys, iaǵni qazaqtyń qalmaqty qyrǵan jeri. Bul tarihi derektermen dáleldengen. «Qalmaq qyrylǵan» desek, qalmaq ózdigimen qyrylyp qalǵan siiaqty bolady.
Konferentsiia kezinde qazaq-oirat soǵystary men jalpy Ortalyq Aziia tarihyna qatysty ózge de qundy baiandamalar tyńdaldy. Sonymen birge, Toraiǵyrov ýniversitetinde kórermender nazaryna osy taqyrypqa arnalǵan arheologiialyq jádigerler, sýretter kórmesi, etnoturmystyq installiatsiia jáne ózge is-sharalar ótkizildi.
Derekkóz: pavlodarnews.kz
