Qalalyq ákimdikte ótken jiynǵa memlekettik organdardyń basshylary ǵana emes, kommýnalshylar men qoǵamdyq uiymdardyń ókilderi de qatysty. Qala ákimi Qairat Núkenovtiń aitýy boiynsha biylǵy jyly 36 qala kóshesine asfalt tóseletin bolady. Bul jumystarǵa 1,2 milliard teńge qarastyryldy.
Sonymen qatar, Amangeldi jáne Dimitrov kóshelerin keńeitý josparlanyp otyr. Amangeldi kóshesi 1 mai kóshesinen Nazarbaev dańǵylyna deiin, Dimitrov kóshesi Qamzin kóshesinen Pavlov kóshesi aralyǵynda keńeietin bolady. Uly oishyl Abai Qunanbaiulynyń 175-jyldyǵyna orai Pavlodarda aqynnyń aty berilgen kósheni abattandyrý josparlanyp otyr.
– Bul jumys úshin siz jeke jaýap beresiz, – dedi qala ákimine aimaq basshysy Bolat Baqaýov. – Kósheni ǵana kóriktendirip qoimai, munda ornalasqan úilerdiń syrtqy kelbetine de mán berý kerek. Ol úshin ár úi iesimen jeke sóilesip, osy máseleni talqylaý qajet. Turǵyndar óz úileriniń qaqpasy, qorshaýy, shatyrlaryn jóndeýleri qajet. Bir aidyń ishinde Abai kóshesin kóriktendirý jumystary boiynsha naqty kontseptsiia qurylýy qajet.
Sonymen birge, Pavlodar oblysynyń ákimi qalany jaryqtandyrý máselesin sheshýdi júktedi. Ol osy maqsattarǵa qajetti qarajatty taýyp berýge ýáde berdi. Aldyn ala eseptýler boiynsha qala kóshelerine jaryq shamdaryn ornatýǵa bir milliardtan astam qarjy kerek.
Oblys ákimi temirjol beketi men vokzal mańyndaǵy alańnyń jaǵdaiyna nazar aýdardy. Onyń aitýy boiynsha, «qala qaqpasyn» tiisti qalypqa keltirý qajet.
– Oblys ortalyǵyn kóriktendirý jumystary týraly jinalystardy ai saiyn ótkizip turamyn, – dedi ol. – Pavlodar – bizdiń ortaq úiimiz, ony kóriktendirý jumystaryna bilik te, qoǵam ókilderi de, kásipkerler men turǵyndar da birdei at salysýlary qajet.
Pavlodar oblysy ákiminiń baspasóz qyzmeti
Sýretterdi túsirgen Valerii Býgaev
