2025 jyldyń 25 sáýirinde Abaı ýnıversıtetinde Mansap ortalyǵynyń uıymdastyrýymen dástúrli «Bos oryndar jármeńkesi – 2025» is-sharasy ótti,– dep habarlaıdy Dalanews.kz
Jármeńkeniń maqsaty – jumys berýshiler men bitirýshi túlekter arasynda tikeleı baılanys ornatyp, eńbek naryǵynda suranysqa ıe mamandyqtardy aıqyndaý. Osy arqyly bilim berý mazmunyn eńbek naryǵynyń talaptaryna saı beıimdeý kózdelgen.
İs-shara barysynda Akademıalyq máseleler jónindegi departament dırektory Haırýlla Janbekov qatysýshylardy quttyqtap, jumys berýshilerge rızashylyǵyn bildirdi. Ol sonymen qatar túlekterdi jumyspen qamtýǵa baǵyttalǵan jobalar týraly aıtty. Mansap ortalyǵynyń turaqty túrde túlekterdi jumyspen qamtýǵa baǵyttalǵan birqatar bastamalary bar. Olardyń qatarynda «Jumys berýshiler aılyǵy – 2025», «Suqbat: jumys berýshige ózińdi dálelde» jáne «Dıplommen aýylǵa» baǵdarlamasy aıasyndaǵy «Bilikti maman týǵan jerinde» sıaqty jobalar túlekterdiń kásibı daǵdylaryn damytýǵa baǵyttalǵan.
«Bos oryndar jármeńkesi – 2025» – túlekter men jumys berýshiler arasyndaǵy tikeleı baılanysty qamtamasyz etetin mańyzdy alań. Jármeńke arqyly bilim alýshylarymyz bolashaq jumys ornyn tabýǵa, al jumys berýshiler bilikti mamandardy irikteýge naqty múmkindik alady. Bul shara tek jumys izdeý alańy ǵana emes, eńbek naryǵynyń suranysyn tereń túsinýge jol ashatyn orta. Aldaǵy ýaqytta da osyndaı is-sharalardy keńeıtip, túlekterdiń kásibı áleýetin arttyrýdy jalǵastyramyz, – dedi Mansap ortalyǵynyń jetekshisi, PhD Raqymberdi Jetibaı.
Bıylǵy jármeńkege 130-dan astam uıym qatysyp, 881 bos jumys ornyn usyndy. Aldyn ala júrgizilgen jumystardyń nátıjesinde elimizdiń túrli aımaqtarynan Abaı ýnıversıtetiniń túlekterine arnalǵan 4112 bos jumys orny týraly suranys túsken.
İs-sharaǵa qatysqan Qazaq tili men ádebıeti mamandyǵynyń 4 kýrs bilim alýshysy Arýjan Ábıdenova jármeńkeniń bereri mol ekenin aıtty7
«Biz úshin dál osyndaı kezdesýler óte qajet. Jumys berýshilermen betpe-bet sóılesip, naqty talaptaryn estip, ózimizge laıyq usynystardy qarastyrý – úlken tájirıbe. Bul jármeńke bolashaq mamandyǵymyzdy senimdi bastaýǵa jaqsy múmkindik berdi», – dedi ol.
«Bıylǵy jármeńkege qatysý arqyly biz jas mamandarmen tikeleı tanysyp, olardyń áleýetin baǵalaý múmkindigine ıe boldyq. Abaı ýnıversıtetiniń túlekteri zamanaýı bilimmen qarýlanǵan, eńbek naryǵyna beıimdelgen mamandar ekenin baıqadyq», – dedi Almaty qalasy Bilim basqarmasyna qarasty Naýryzbaı aýdandyq bilim bóliminiń basshysy Saltanat Kýsaınova.
Jármeńke bitirýshi túlekter men jumys berýshiler arasynda ashyq dıalog júrgizýge múmkindik berip, olardyń tikeleı jumysqa ornalasýyna septigin tıgizdi. Mundaı formattaǵy is-sharalar túlekterdiń eńbek naryǵyna beıimdelýine, kásibı baǵyt-baǵdaryn naqty aıqyndaýyna jáne bolashaq mansabyn sanaly túrde josparlaýyna yqpal etedi. Abaı ýnıversıteti aldaǵy ýaqytta da stýdentterdiń tabysty jumysqa ornalasýyna qoldaý kórsetetin tıimdi alańdar usynýdy jalǵastyra bermek.
