Bokstan Beijiń Olimpiadasynyń qola júldegeri, álem chempionattarynyń kúmis jáne qola júldegeri Erkebulan Shynaliev ózine qatysty zańsyz áreketter jasalǵanyn aityp, quqyq qorǵaý organdarynan kómek surady, dep habarlaidy Dalanews.kz.
Sportshynyń aitýynsha, 2025 jyly mamyrda qazaqstandyq eki azamat ony Túrkiianyń Ystambul qalasyna bapker retinde shaqyrǵan. Ol jaqta shamamen on kún bolyp, jattyǵý ótkizip, bapkerlik qyzmet atqarǵan. Qazaqstanǵa oralǵannan keiin sol azamattardyń biri oǵan belgisiz adamdarǵa kúsh qoldaný týraly usynys jasaǵanyn, alaida odan úzildi-kesildi bas tartqanyn jetkizdi.
Biraz ýaqyt ótken soń biyl qańtarda olar qaita habarlasyp, Túrkiiaǵa taǵy shaqyrǵan. Sportshynyń sózinshe, áýejaidan kútip alǵan adamdar ony Ystambuldan alys ornalasqan orman ishindegi tastandy ǵimaratqa aparyp, qarýmen qorqytyp, "UQK-nyń ókilimin dep" aitýǵa májbúrlegen.
Ol jerde taǵy birneshe adam bolǵanyn, olar Orta Aziia elderinen kelgenin baiqaǵanyn aitty.
"Meniń oiymsha, olar Túrkiia biliginen saiasi baspana suraý úshin osyndai áreketke bardy", - dedi sportshy.
Videoúndeý sońynda sportshy Qazaqstan Respýblikasynyń Ishki ister ministrliginen jáne Bas prokýratýradan kómek suraidy.
