بوكستان بەيجٸڭ وليمپياداسىنىڭ قولا جٷلدەگەرٸ, ەلەم چەمپيوناتتارىنىڭ كٷمٸس جەنە قولا جٷلدەگەرٸ ەركەبۇلان شىناليەۆ ٶزٸنە قاتىستى زاڭسىز ەرەكەتتەر جاسالعانىن ايتىپ, قۇقىق قورعاۋ ورگاندارىنان كٶمەك سۇرادى, دەپ حابارلايدى Dalanews.kz.
سپورتشىنىڭ ايتۋىنشا, 2025 جىلى مامىردا قازاقستاندىق ەكٸ ازامات ونى تٷركييانىڭ ىستامبۇل قالاسىنا باپكەر رەتٸندە شاقىرعان. ول جاقتا شامامەن ون كٷن بولىپ, جاتتىعۋ ٶتكٸزٸپ, باپكەرلٸك قىزمەت اتقارعان. قازاقستانعا ورالعاننان كەيٸن سول ازاماتتاردىڭ بٸرٸ وعان بەلگٸسٸز ادامدارعا كٷش قولدانۋ تۋرالى ۇسىنىس جاساعانىن, الايدا ودان ٷزٸلدٸ-كەسٸلدٸ باس تارتقانىن جەتكٸزدٸ.
بٸراز ۋاقىت ٶتكەن سوڭ بيىل قاڭتاردا ولار قايتا حابارلاسىپ, تٷركيياعا تاعى شاقىرعان. سپورتشىنىڭ سٶزٸنشە, ەۋەجايدان كٷتٸپ العان ادامدار ونى ىستامبۇلدان الىس ورنالاسقان ورمان ٸشٸندەگٸ تاستاندى عيماراتقا اپارىپ, قارۋمەن قورقىتىپ, "ۇقك-نىڭ ٶكٸلٸمٸن دەپ" ايتۋعا مەجبٷرلەگەن.
ول جەردە تاعى بٸرنەشە ادام بولعانىن, ولار ورتا ازييا ەلدەرٸنەن كەلگەنٸن بايقاعانىن ايتتى.
"مەنٸڭ ويىمشا, ولار تٷركييا بيلٸگٸنەن ساياسي باسپانا سۇراۋ ٷشٸن وسىنداي ەرەكەتكە باردى", - دەدٸ سپورتشى.
ۆيدەوٷندەۋ سوڭىندا سپورتشى قازاقستان رەسپۋبليكاسىنىڭ ٸشكٸ ٸستەر مينيسترلٸگٸنەن جەنە باس پروكۋراتۋرادان كٶمەك سۇرايدى.
