Sarapshylar osyǵan deiin nyǵaiyp kelgen ulttyq valiýta baǵamy naýryz aiynda álsireidi dep boljaidy. Ári buǵan Ulttyq Banktiń kúni keshe jariialaǵan sheshimi yqpal etýi múmkin ekenin aitady. Atap aitqanda, ortalyq bank aldynda tyiyp qoiǵan BJZQ úshin dollar satyp alý úrdisin qaita jańǵyrtpaq. Mundaida Halyk Finance Taldaý ortalyǵynyń boljamynsha, osy aida 1 AQSh dollarynyń quny 505-515 teńge bolýy yqtimal, dep habarlaidy Dalanews.kz.
Halyk Finance Ulttyq Bank naýryz aiynda respýblikalyq biýdjetke transfertter bólý úshin Ulttyq qordan 700 mln-nan 800 mln dollarǵa deiin satýdy josparlap otyrǵanyn aita kele, budan bólek shaǵylystyrý praktikasy da jalǵasatynyn, bul rette naýryz aiynda shamamen 250 mlrd teńge somaǵa valiýta satý josparlanyp otyrǵanyn naqtylaidy. Sondai-aq kvazimemlekettik sektor sýbektileriniń valiýtalyq túsimniń 50% -yn mindetti satý týraly norma qoldanyla beredi. Aqpan aiynda bul operatsiialardyń kólemi shamamen 274 million dollardy qurady.
Sonymen birge Ulttyq bank BJZQ zeinetaqy aktivteriniń valiýtalyq úlesin ustap turý úshin valiýta satyp alý tájiribesin qaita bastaý nietin jariialady. Bul rette Ulttyq Bank teńge baǵamynyń nyǵaiýyna, sondai-aq zeinetaqy jarnalarynyń túsýine bailanysty BJZQ zeinetaqy aktivteriniń aǵymdaǵy valiýtalyq úlesi 40%-dan tómen deńgeige deiin tómendegenin jetkizdi.
"Osyǵan bailanysty Ulttyq Bank BJZQ zeinetaqy aktivteriniń portfeline AQSh dollaryn satyp alýdy qaita bastaidy. Naýryzda satyp alýǵa qatysty josparly kólem 250 mln AQSh dollarynan aspaidy. Valiýtany satyp alý naryqtyq koniýnktýraǵa bailanysty júzege asyrylady", - dedi retteýshi organ.
Halyk Finance Taldaý ortalyǵy Ulttyq Banktiń osy málimdemeleri aiasynda naýryz aiynda teńgege shaqqanda amerikalyq valiýtanyń baǵamy qalai ózgerýi múmkin ekenin boljady.
"Naýryzda mundai satyp alýlardyń kólemi 250 mln dollar deńgeiinde josparlanýda. Nátijesinde, Ulttyq Banktiń valiýtany naryqtaǵy taza satýy aqpandaǵy 1,1 mlrd dollarmen salystyrǵanda shamamen 1 mlrd dollardy quraidy. Osyny eskere otyryp, naýryz aiynda dollardyń teńgege shaqqandaǵy baǵamy azdap kóterilýi múmkin jáne bir AQSh dollary úshin 505-515 teńge aralyǵynda bolady dep boljaimyz", - deidi Halyk Finance Taldaý ortalyǵynyń sarapshysy Mádina Qabjalalova.
