ساراپشىلار وسىعان دەيٸن نىعايىپ كەلگەن ۇلتتىق ۆاليۋتا باعامى ناۋرىز ايىندا ەلسٸرەيدٸ دەپ بولجايدى. ەرٸ بۇعان ۇلتتىق بانكتٸڭ كٷنٸ كەشە جارييالاعان شەشٸمٸ ىقپال ەتۋٸ مٷمكٸن ەكەنٸن ايتادى. اتاپ ايتقاندا, ورتالىق بانك الدىندا تىيىپ قويعان بجزق ٷشٸن دوللار ساتىپ الۋ ٷردٸسٸن قايتا جاڭعىرتپاق. مۇندايدا Halyk Finance تالداۋ ورتالىعىنىڭ بولجامىنشا, وسى ايدا 1 اقش دوللارىنىڭ قۇنى 505-515 تەڭگە بولۋى ىقتيمال, دەپ حابارلايدى Dalanews.kz.
Halyk Finance ۇلتتىق بانك ناۋرىز ايىندا رەسپۋبليكالىق بيۋدجەتكە ترانسفەرتتەر بٶلۋ ٷشٸن ۇلتتىق قوردان 700 ملن-نان 800 ملن دوللارعا دەيٸن ساتۋدى جوسپارلاپ وتىرعانىن ايتا كەلە, بۇدان بٶلەك شاعىلىستىرۋ پراكتيكاسى دا جالعاساتىنىن, بۇل رەتتە ناۋرىز ايىندا شامامەن 250 ملرد تەڭگە سوماعا ۆاليۋتا ساتۋ جوسپارلانىپ وتىرعانىن ناقتىلايدى. سونداي-اق كۆازيمەملەكەتتٸك سەكتور سۋبەكتٸلەرٸنٸڭ ۆاليۋتالىق تٷسٸمنٸڭ 50% -ىن مٸندەتتٸ ساتۋ تۋرالى نورما قولدانىلا بەرەدٸ. اقپان ايىندا بۇل وپەراتسييالاردىڭ كٶلەمٸ شامامەن 274 ميلليون دوللاردى قۇرادى.
سونىمەن بٸرگە ۇلتتىق بانك بجزق زەينەتاقى اكتيۆتەرٸنٸڭ ۆاليۋتالىق ٷلەسٸن ۇستاپ تۇرۋ ٷشٸن ۆاليۋتا ساتىپ الۋ تەجٸريبەسٸن قايتا باستاۋ نيەتٸن جارييالادى. بۇل رەتتە ۇلتتىق بانك تەڭگە باعامىنىڭ نىعايۋىنا, سونداي-اق زەينەتاقى جارنالارىنىڭ تٷسۋٸنە بايلانىستى بجزق زەينەتاقى اكتيۆتەرٸنٸڭ اعىمداعى ۆاليۋتالىق ٷلەسٸ 40%-دان تٶمەن دەڭگەيگە دەيٸن تٶمەندەگەنٸن جەتكٸزدٸ.
"وسىعان بايلانىستى ۇلتتىق بانك بجزق زەينەتاقى اكتيۆتەرٸنٸڭ پورتفەلٸنە اقش دوللارىن ساتىپ الۋدى قايتا باستايدى. ناۋرىزدا ساتىپ الۋعا قاتىستى جوسپارلى كٶلەم 250 ملن اقش دوللارىنان اسپايدى. ۆاليۋتانى ساتىپ الۋ نارىقتىق كونيۋنكتۋراعا بايلانىستى جٷزەگە اسىرىلادى", - دەدٸ رەتتەۋشٸ ورگان.
Halyk Finance تالداۋ ورتالىعى ۇلتتىق بانكتٸڭ وسى مەلٸمدەمەلەرٸ اياسىندا ناۋرىز ايىندا تەڭگەگە شاققاندا امەريكالىق ۆاليۋتانىڭ باعامى قالاي ٶزگەرۋٸ مٷمكٸن ەكەنٸن بولجادى.
"ناۋرىزدا مۇنداي ساتىپ الۋلاردىڭ كٶلەمٸ 250 ملن دوللار دەڭگەيٸندە جوسپارلانۋدا. نەتيجەسٸندە, ۇلتتىق بانكتٸڭ ۆاليۋتانى نارىقتاعى تازا ساتۋى اقپانداعى 1,1 ملرد دوللارمەن سالىستىرعاندا شامامەن 1 ملرد دوللاردى قۇرايدى. وسىنى ەسكەرە وتىرىپ, ناۋرىز ايىندا دوللاردىڭ تەڭگەگە شاققانداعى باعامى ازداپ كٶتەرٸلۋٸ مٷمكٸن جەنە بٸر اقش دوللارى ٷشٸن 505-515 تەڭگە ارالىعىندا بولادى دەپ بولجايمىز", - دەيدٸ Halyk Finance تالداۋ ورتالىعىنىڭ ساراپشىسى مەدينا قابجالالوۆا.
