2025 jyldyń alty aiynyń qortyndysy boiynsha BJZQ tabysy jaǵynan alǵash ret minýstan shyqty. Alaida, ázirge BJZQ-nyń investitsiialyq tabystylyǵy jyl basynan beri jinaqtalǵan infliatsiia kólemin óteýge kelgende qaýqarsyz, dep habarlaidy Dalanews.kz.
Banktiń investitsiialyq qyzmetine júrgizilgen taldaýǵa súiensek, BJZQ zeinetaqy aktivteriniń kiristiligi 2025 jyldyń alty aiynda pliýske shyǵyp, jyl basynan bastap shilde aiyna deiin eseptelgen investitsiialyq tabys mólsheri 370,99 mlrd teńgeni qurady.
Kiris kórsetkishi jyl basynan beri 1,51% (bir ai buryn – minýs 0,69%) qurady, biraq onyń, ázirge jyl basynan beri jinaqtalǵan infliatsiiany (shamamen 7%) jabýǵa shamasy kelmeidi.
Sońǵy 12 aida eseptelgen investitsiialyq kiristiń mólsheri shamamen 2,53 trln teńgeni qurady, osy kezeńdegi kiristilik 11,8% infliatsiia kezinde 12,22% boldy.
"Zeinetaqy aktivteriniń jekelegen qysqa merzimdi kezeńderdegi kiristiligi olardy basqarý tiimdiliginiń kórsetkishi bolyp tabylmaidy, óitkeni qarjy quraldary jáne qysqa ýaqyt ishinde eseptelgen basqa operatsiialar boiynsha syiaqy túrindegi kirister árqashan osy kezeńdegi baǵaly qaǵazdar men valiýta baǵamdary qunynyń aýytqýynan týyndaityn aiyrmany jaba bermeidi. Sondyqtan investitsiialyq tabys mólsherin obektivti taldaý úshin kem degende bir jyl ishindegi esep-qisaptar kerek bolady", - deidi BJZQ-daǵydar.
1 shildedegi jaǵdai boiynsha Ulttyq Banktiń senimgerlik basqarýyndaǵy BJZQ zeinetaqy aktivteriniń somasy 23,47 trln teńgeni qurady.
Buǵan deiin saitymyzda "Zeinetaqy aktivteriniń investtabysyn "jep jatqan" ne nárse nemese kim?" degen maqala jariialanǵan bolatyn.
