Qazaqstan Respýblikasynyń Premer-ministri Oljas Bektenov Dalian qalasynda (QHR) «Jazǵy Davos» dúniejúzilik ekonomikalyq forýmynyń jańa chempiondarynyń 17-shi jyl saiynǵy kezdesýiniń ashylý saltanatyna qatysyp, Mońǵoliia Premer-ministrimen, Bangladesh Halyq Respýblikasynyń Premer-ministrimen, sondai-aq Dúniejúzilik ekonomikalyq forýmnyń Prezidenti jáne bas direktorymen birqatar ekijaqty kezdesý ótkizdi, dep habarlaidy dalanews.kz.
Forým jumysyna Úkimet basshylary, iri kompaniialar men sarapshylar qoǵamdastyǵynyń ókilderi qatysty. Kún tártibi tehnologiialyq transformatsiia, investitsiialyq yntymaqtastyq, tsifrlandyrý, JI jáne ekonomikalyq ósýdiń jańa draiverlerin izdeý máselelerin qamtidy.
Mońǵoliia Premer-ministri Niam-Osoryn Ýchralmen kelissózder barysynda saýda-ekonomikalyq ózara is-qimyldy damytý, ónerkásip kooperatsiiasy, taý-ken metallýrgiiasy jáne kólik-logistika salalaryndaǵy yntymaqtastyq, agroónerkásip kesheni, tsifrlandyrý jáne jasandy intellekt, sondai-aq ǵaryshtyq tehnologiialar salasyndaǵy áriptestik máseleleri talqylandy. Mońǵoliia Prezidenti Ýhnaagiin Hýrelsýhtyń biyl sáýir aiynda Qazaqstanǵa jasaǵan memlekettik saparynyń qorytyndysy boiynsha qol jetkizilgen ýaǵdalastyqtardyń júzege asyrylý barysy, sondai-aq eki el basshylary qoiǵan ózara saýda kólemin $500 mln-ǵa deiin jetkizý mindetin júzege asyrý jónindegi sharalar qaraldy. Kelissózder qorytyndysy boiynsha Oljas Bektenov pen Niam-Osoryn Ýchral ózara qyzyǵýshylyq týdyratyn ekonomikanyń barlyq baǵyty boiynsha yntymaqtastyqty nyǵaitýǵa daiyn ekenderin jetkizdi.
Bangladesh Halyq Respýblikasynyń Premer-ministri Tarik Rahmanmen kezdesý barysynda saýda jáne investitsiia, kólik-logistika, tsifrlandyrý salalaryndaǵy yntymaqtastyq máselesine nazar aýdaryldy. Qazaqstan Premer-ministri Prezident Qasym-Jomart Toqaevtyń bastamasymen elimizde júzege asyrylyp jatqan jáne memlekettilikti nyǵaitýǵa, «Zań men tártip» qaǵidatyn qamtamasyz etýge, Ádiletti Qazaqstan qurýǵa baǵyttalǵan reformalar elimizdiń ornyqty ekonomikalyq ósýine, investitsiialyq tartymdylyǵyn arttyrýǵa jáne halyqaralyq yntymaqtastyqty keńeitýge qajetti jaǵdai jasap otyrǵanyn atap ótti. Kezdesý qorytyndysy boiynsha qazaq-bangladesh yntymaqtastyǵyn odan ári tereńdetýge ózara múddelilik jáne ekonomikanyń basym salalarynda jańa birlesken jobalardy júzege asyrýǵa daiyndyq rastaldy.
World Economic Forum prezidenti jáne bas direktory Alois Tsvingimen kelissózder barysynda tsifrlyq transformatsiia, jasandy intellekt, investitsiialar tartý, adami kapitaldy damytý salalaryndaǵy ózara is-qimyl perspektivalary talqylandy. Kezdesý barysynda Qazaqstannyń Dúniejúzilik ekonomikalyq forýmmen júieli saraptamalyq áriptestikke kóshýge múddeliligi aityldy. Sondai-aq «Báiterek» investitsiialyq holdingi arqyly yntymaqtastyqqa qyzyǵýshylyq bildirildi.
Búgingi tańda Qazaqstanda investitsiialyq ahýaldy jetildirý jáne birlesken jobalardy júzege asyrý úshin qolaily jaǵdai jasaý boiynsha júieli jumys júrgizilýde. Atap aitqanda, investorlarǵa memlekettik qoldaý sharalarynyń keń aýqymy qoljetimdi. Altyn Visa arnaiy vizalyq rejimi engizilýde, salyqtyq jáne kedendik preferentsiialar qoldanylady. Jobalardy súiemeldeý «bir tereze» qaǵidaty arqyly júzege asyrylady.
