Qyrǵyzstanda kezekti prezident sailaýy 2027 jyldyń 31 qańtarynda ótýi múmkin, dep habarlaidy dalanews.kz.
Qyrǵyzstan parlamenti prezident sailaýynyń kúnin ózgertýge múmkindik beretin zań jobasyn úshinshi oqylymda qabyldady.
Qoldanystaǵy zańnamaǵa sáikes, prezident sailaýy memleket basshysynyń ókilettik merzimi aiaqtalatyn jyldyń qańtar aiynyń tórtinshi jeksenbisinde ótkizilýi tiis. Alaida jańa túzetýler qabyldansa, daýys berý qańtar aiynyń sońǵy jeksenbisine belgilenedi.
Zań jobasyn usynǵan depýtattar mundai ózgeris sailaý úderisin uiymdastyrýdy jeńildetýge jáne daiyndyq jumystaryna qosymsha ýaqyt berýge múmkindik beretinin aitady.
Eger qujat kúshine ense, Qyrǵyzstandaǵy kelesi prezident sailaýy 2027 jyldyń 31 qańtarynda ótýi múmkin. Buǵan deiin Konstitýtsiialyq sot sailaýdy 2027 jyldyń 24 qańtarynda ótkizý qajet degen túsinikteme bergen edi.
Qazirgi prezident Sadyr Japarovtyń ókilettik merzimi 2027 jyly aiaqtalady.
