Ýkraina prezidenti Vladimir Zelenskii AQSh Resei prezidenti Vladimir Pýtindi G20 sammitine shaqyrǵan jaǵdaida, onymen kezdesý úshin Maiamige baratynyn málimdedi, dep habarlaidy dalanews.kz.
Bul týraly Zelenskii DW basylymyna bergen suhbatynda aitty.
Ýkraina prezidenti AQSh prezidenti Donald Tramptyń arnaiy ókilderi Stiv Ýitkoff pen Djared Kýshnermen kezdesýinde energetika, astyq máselesi jáne deeskalatsiiaǵa baǵyttalǵan alǵashqy qadamdardy talqylaǵanyn jetkizdi.
«Múmkin, keibireýlerge “atysty toqtatý” degen tirkes unamaityn shyǵar. Maǵan onyń unaityny ne unamaityny mańyzdy emes. Biz ómirdi jaqsy kóremiz, biz beibitshilikti qalaimyz. Sondyqtan “atysty toqtatý” sózi unamasa, ony “bitim”, “tynyshtyq rejimi” dep ataiyq. Ataýy mańyzdy emes», – dedi Zelenskii.
Onyń aitýynsha, basty maqsat – qandai da bir kelissózge alyp keletin qadam jasaý.
«Energetika men astyq máselesi – birinshi qadam. Biz eń aldymen osyǵan qol jetkize alamyz», – dedi Ýkraina prezidenti.
Jýrnalister odan AQSh Vladimir Pýtindi 14–15 jeltoqsanda Maiamide ótetin G20 sammitine shaqyrsa, ne bolatynyn suraǵan.
Zelenskii mundai jaǵdaida Pýtinmen sóilesý úshin Maiamige baratynyn aitty.
«Men baramyn. Bizge kezdesip, sóilesip, sheshim qabyldaý kerek. Másele meniń oǵan ne aitatynymda nemese onyń maǵan ne aitatynynda emes. Mańyzdysy – nátije. Tek nátije mańyzdy», – dedi Vladimir Zelenskii.
