Astanada mádeniet jáne sport vitse-ministri bolǵan Erlan Qojagapanovqa qatysty sot protsesi jalǵasýda. Ol 1 milliard teńgeden astam qarjy jymqyrdy dep aiyptalýda. Kezekti sot otyrysynda istiń ekinshi figýranty, SUCCESS K kompaniiasynyń direktory Lázzat Kókkózova kýálik berdi, dep habarlaidy Dalanews.kz.
Kókkózovaǵa QR Qylmystyq kodeksiniń 189-baby, 4-bóligi, 2-tarmaǵy boiynsha “ózine senip tapsyrylǵan múlikti asa iri kólemde iemdený nemese ysyrap etý” aiyby taǵylǵan. Ol sotta bastapqy kommertsiialyq usynys 2,9 mlrd teńgege baǵalanǵanyn, biraq bul tek usynys bolǵanyn, naqty bekitilgen smeta emestigin aitty. Onyń sózinshe, jobany Mádeniet jáne sport ministrliginen, Prezident ákimshiliginen jáne eks-prezident Nursultan Nazarbaevtyń ózi maquldaǵan.
“Maǵan 1 milliard teńgeden astam ziian keltirdi dep aiyp taǵylyp otyr. Biraq men ministrlik qyzmetkeri emespin, memlekettik qyzmetshi de emespin. Men – jeke kommertsiialyq kompaniianyń direktorymyn, kelisimshart jasap, oryndalǵan jumystar aktisine qol qoidym. Maǵan senip tapsyrylǵan múlikti jymqyrdy dep aiyptaý qisynsyz”, – dedi Kókkózova sotta.
Tergeý nusqasy boiynsha, 2018 jyly ótken Qazaqstan men Reseidiń XV Óńiraralyq yntymaqtastyq forýmyn uiymdastyrý shyǵyndary aitarlyqtai artyq kórsetilgen. Memleketke kelgen shyǵyn kólemi 1 milliard teńgeden asady.
