استانادا مەدەنيەت جەنە سپورت ۆيتسە-مينيسترٸ بولعان ەرلان قوجاگاپانوۆقا قاتىستى سوت پروتسەسٸ جالعاسۋدا. ول 1 ميلليارد تەڭگەدەن استام قارجى جىمقىردى دەپ ايىپتالۋدا. كەزەكتٸ سوت وتىرىسىندا ٸستٸڭ ەكٸنشٸ فيگۋرانتى, SUCCESS K كومپانيياسىنىڭ ديرەكتورى لەززات كٶككٶزوۆا كۋەلٸك بەردٸ, دەپ حابارلايدى Dalanews.kz.
كٶككٶزوۆاعا قر قىلمىستىق كودەكسٸنٸڭ 189-بابى, 4-بٶلٸگٸ, 2-تارماعى بويىنشا “ٶزٸنە سەنٸپ تاپسىرىلعان مٷلٸكتٸ اسا ٸرٸ كٶلەمدە يەمدەنۋ نەمەسە ىسىراپ ەتۋ” ايىبى تاعىلعان. ول سوتتا باستاپقى كوممەرتسييالىق ۇسىنىس 2,9 ملرد تەڭگەگە باعالانعانىن, بٸراق بۇل تەك ۇسىنىس بولعانىن, ناقتى بەكٸتٸلگەن سمەتا ەمەستٸگٸن ايتتى. ونىڭ سٶزٸنشە, جوبانى مەدەنيەت جەنە سپورت مينيسترلٸگٸنەن, پرەزيدەنت ەكٸمشٸلٸگٸنەن جەنە ەكس-پرەزيدەنت نۇرسۇلتان نازارباەۆتىڭ ٶزٸ ماقۇلداعان.
“ماعان 1 ميلليارد تەڭگەدەن استام زييان كەلتٸردٸ دەپ ايىپ تاعىلىپ وتىر. بٸراق مەن مينيسترلٸك قىزمەتكەرٸ ەمەسپٸن, مەملەكەتتٸك قىزمەتشٸ دە ەمەسپٸن. مەن – جەكە كوممەرتسييالىق كومپانييانىڭ ديرەكتورىمىن, كەلٸسٸمشارت جاساپ, ورىندالعان جۇمىستار اكتٸسٸنە قول قويدىم. ماعان سەنٸپ تاپسىرىلعان مٷلٸكتٸ جىمقىردى دەپ ايىپتاۋ قيسىنسىز”, – دەدٸ كٶككٶزوۆا سوتتا.
تەرگەۋ نۇسقاسى بويىنشا, 2018 جىلى ٶتكەن قازاقستان مەن رەسەيدٸڭ XV ٶڭٸرارالىق ىنتىماقتاستىق فورۋمىن ۇيىمداستىرۋ شىعىندارى ايتارلىقتاي ارتىق كٶرسەتٸلگەن. مەملەكەتكە كەلگەن شىعىن كٶلەمٸ 1 ميلليارد تەڭگەدەن اسادى.
