Boksshy Jánibek Álimhanulynyń komandasy taǵy bir málimdeme jasady, dep habarlaidy Dalanews.kz.
Komanda kópshiliktiń qoldaýyna rizashylyǵyn bildirip, jaqsy kúnder kelerine úmit artqan.
"Buryn salmaq jasai almai qalǵanda da biraz adam kúmándanǵan! Keiin olar da jankúier bolyp ketti. Ol qiyndyq ta artta qaldy. Bul doping daýy da sheshiledi! Bizdiń komanda - eń myqty komanda! Biz áli álemge talai qazaqsha sóileimiz! Biz áli talai jastarǵa "qumar oiyn oinama" dep aitamyz! Biz áli talai márte Týdy jelbiretemiz! Bizdiń maqsat aiqyn. Ol maqsattan bizdi eshqandai qiyndyq taidyra almaidy. Synap jatqandarǵa mán bermeńizder! Olar burynnan bar, 4 titýl alǵanda da bola beredi! Biz tek alǵa júremiz!" - dep jazylǵan úndeýde.
Sonymen qatar, bul iste ózderiniń tarapynan eshqandai qate ketpegenin jetkizdi.
"Eń bastysy biz tazamyz! Bizden eshqandai kiná men qate ketpedi! Bári burynǵy vitaminder men burynǵy mázir! Qazir analizdiń ekinshi qorabyn ashýǵa ótinish jazyldy! Jaýabyn kútemiz!" - dep jazylǵan habarlamada.
Jánibek Álimhanuly 6 jeltoqsanda Kýba boksshysy Erislandi Laramen jekpe-jekke shyǵýy tiis edi. Alaida kezdesý bolmaityny resmi túrde habarlandy. Buǵan sebep: qazaqstandyq boksshynyń analizinen tyiym salynǵan preparat tabylǵan.
Keiinirek týrizm jáne sport vitse-ministri Serik Jarasbaev boksshy Jánibek Álimhanulyna qatysty doping daýyna pikir bildirdi.
