Aýyl sharýashylyǵy ministri Aidarbek Saparov Soltústik Qazaqstan oblysynda týystaryna tiesili jer telimderi men olardyń memleket tarapynan sýbsidiia alǵany týraly aqparatqa túsinikteme berdi, dep habarlaidy Dalanews.kz.
Aitýynsha, barlyq áreket zańdy túrde júzege asyrylǵan.
“Ol kisilerde jer telimderi bar, biraq bári zańdy túrde alynǵan. Birneshe tekserýden ótti, olardyń nátijeleri bar. Meniń bul máseleni qadaǵalaýǵa ýaqytym joq, olar óz betimen jumys istep jatyr. Ol da aýyl, bir ǵana mashinasy bar. Eshqandai shaǵym túsken joq”, – dedi Saparov.
Sonymen qatar BAQ ókilderi tarapynan sybailas jemqorlyqqa qarsy is qozǵalǵany týraly suraq qoiyldy. Ministr bul aqparatty joqqa shyǵaryp, “Eshqandai is qozǵalǵan joq” dep qysqa jaýap berdi.
Aita keteiik, Soltústik Qazaqstan oblysynyń ákimi bolǵan Saparov 2023 jylǵy 4 qyrkúiektegi QR Prezidentiniń jarlyǵymen aýyl sharýashylyǵy ministri qyzmetine taǵaiyndalǵan edi.
Buǵan deiin ol Úkimet otyrsynan keiin BAQ ókilderinen eskertý estip qalǵan edi.
Jýrnalist tiisti vedostvo basshysyna shegirtke men aqbókennen kelgen shyǵyn týraly suraq qoiǵan. BAQ ókili shegirtke biyl eginge qanshalyq shyǵyn keltirgenin anyqtamaq bolǵan.
"Shegirtke men kiikterdi salystyrmaiyqshy. Sebebi ekeýi bólek. Ázirshe shegirtkeden shyǵyn kelgen joq. Eger shyǵyn kelse... Allo, ruqsat pa?" - deidi ministr.
Yńǵaisyz jaýap bergen sheneýnikke jýrnalister eskertý de jasaǵan.
"Nege ózińizdi bulai ustaisyz?" - dedi BAQ ókilderiniń biri.
"Men óz adamdaryma aityp jatyrmyn. Sizge aitqan joqpyn. Keshirim suraimyn", - dep aqtaldy Aidarbek Saparov.
