اۋىل شارۋاشىلىعى مينيسترٸ ايداربەك ساپاروۆ سولتٷستٸك قازاقستان وبلىسىندا تۋىستارىنا تيەسٸلٸ جەر تەلٸمدەرٸ مەن ولاردىڭ مەملەكەت تاراپىنان سۋبسيدييا العانى تۋرالى اقپاراتقا تٷسٸنٸكتەمە بەردٸ, دەپ حابارلايدى Dalanews.kz.
ايتۋىنشا, بارلىق ەرەكەت زاڭدى تٷردە جٷزەگە اسىرىلعان.
“ول كٸسٸلەردە جەر تەلٸمدەرٸ بار, بٸراق بەرٸ زاڭدى تٷردە الىنعان. بٸرنەشە تەكسەرۋدەن ٶتتٸ, ولاردىڭ نەتيجەلەرٸ بار. مەنٸڭ بۇل مەسەلەنٸ قاداعالاۋعا ۋاقىتىم جوق, ولار ٶز بەتٸمەن جۇمىس ٸستەپ جاتىر. ول دا اۋىل, بٸر عانا ماشيناسى بار. ەشقانداي شاعىم تٷسكەن جوق”, – دەدٸ ساپاروۆ.
سونىمەن قاتار باق ٶكٸلدەرٸ تاراپىنان سىبايلاس جەمقورلىققا قارسى ٸس قوزعالعانى تۋرالى سۇراق قويىلدى. مينيستر بۇل اقپاراتتى جوققا شىعارىپ, “ەشقانداي ٸس قوزعالعان جوق” دەپ قىسقا جاۋاپ بەردٸ.
ايتا كەتەيٸك, سولتٷستٸك قازاقستان وبلىسىنىڭ ەكٸمٸ بولعان ساپاروۆ 2023 جىلعى 4 قىركٷيەكتەگٸ قر پرەزيدەنتٸنٸڭ جارلىعىمەن اۋىل شارۋاشىلىعى مينيسترٸ قىزمەتٸنە تاعايىندالعان ەدٸ.
بۇعان دەيٸن ول ٷكٸمەت وتىرسىنان كەيٸن باق ٶكٸلدەرٸنەن ەسكەرتۋ ەستٸپ قالعان ەدٸ.
جۋرناليست تيٸستٸ ۆەدوستۆو باسشىسىنا شەگٸرتكە مەن اقبٶكەننەن كەلگەن شىعىن تۋرالى سۇراق قويعان. باق ٶكٸلٸ شەگٸرتكە بيىل ەگٸنگە قانشالىق شىعىن كەلتٸرگەنٸن انىقتاماق بولعان.
"شەگٸرتكە مەن كيٸكتەردٸ سالىستىرمايىقشى. سەبەبٸ ەكەۋٸ بٶلەك. ەزٸرشە شەگٸرتكەدەن شىعىن كەلگەن جوق. ەگەر شىعىن كەلسە... اللو, رۇقسات پا?" - دەيدٸ مينيستر.
ىڭعايسىز جاۋاپ بەرگەن شەنەۋنٸككە جۋرناليستەر ەسكەرتۋ دە جاساعان.
"نەگە ٶزٸڭٸزدٸ بۇلاي ۇستايسىز?" - دەدٸ باق ٶكٸلدەرٸنٸڭ بٸرٸ.
"مەن ٶز ادامدارىما ايتىپ جاتىرمىن. سٸزگە ايتقان جوقپىن. كەشٸرٸم سۇرايمىن", - دەپ اقتالدى ايداربەك ساپاروۆ.
