Prokýrorlar júrgizgen tekseris nátijesinde Astana, Almaty, Shymkent qalalarynda, Almaty jáne Túrkistan oblystarynda bala tárbiesine jaýapty mamandar arasynda júkteme shamadan tys kóp ekeni anyqtalǵan, dep habarlaidy Dalanews.kz.
"Tekserý búginde bir qyzmetkerge túsetin júkteme 17 myń balaǵa jetetinin, al Astana, Almaty, Shymkent qalalarynda, Almaty jáne Túrkistan oblystarynda 30-dan 100 myńǵa deiin jetetinin kórsetti. Álemdik standarttarǵa sáikes 1 qyzmetkerge júkteme normasy 5 myń baladan, al eń progressivti elderde 1 myńnan aspaýy kerek", — delingen prokýratýra taratqan habarlamada.
Prokýratýranyń málimetinshe, saladaǵy qyzmetkerlerdiń moinyna shamadan tys júkteme ilingendikten, olar kámeletke tolmaǵandardy tárbieleý jáne baǵý jaǵdailaryn baqylap úlgermeidi. Kesirinen, balalarǵa qatysty zorlyq-zombylyq jaǵdailary kóbinese kesh anyqtalady.
"Jyl basynan beri asyrap alynǵan balalardy uryp-soǵý jáne azaptaý faktileri Shymkent qalasynda, Ulytaý jáne Aqmola oblystarynda tirkelgen. Máselen, Aqmola oblysynda sáýir aiynda patronat tárbieshiniń 5 balany uryp-soǵý faktileri anyqtalǵan. Tergep-tekserý barysynda úsh jyldan astam ýaqyt buryn bir balany óltirý faktisi anyqtalǵan. Ulytaý oblysynda balalardy fermada jumys isteýge májbúr etken asyrap alǵan ana 4 jylǵa bas bostandyǵynan aiyryldy", — dep habarlady prokýratýradan.
Osy turǵyda Bas prokýratýra Bala quqyqtary jónindegi ýákildiń qorǵanshylyq jáne qamqorshylyq organdary qyzmetkerleriniń sanynyń normativtik zańnamalyq turǵydan bekitýge qatysty bastamasyn qoldaidy. Sonymen qatar Ministrlik prokýratýranyń pedagog-psihologtardyń qyzmetin kúsheitý qajettiligine qatysty usynystaryn qoldady.
Atap aitqanda, pedagog-psihologtardyń sany boiynsha normativ zańnamalyq turǵydan qaita qaralýda, munda 1 mamanǵa júkteme 500 oqýshydan aspaýy tiis. Jalpy, Jol kartasy Ministrliktiń basqa da baǵyttary boiynsha jumystarynyń tiimdiligin arttyrady dep kútilip otyr.
Jyl sońyna deiin deviantty minez-qulqy bar balalardyń «jaǵymdy ortaǵa» beiimdeý boiynsha jobany iske asyrý (bedeldi tálimgerlerdi bekitý, kadet synyptaryna jáne «Jas sarbaz» áskeri-patriottyq qozǵalys klýbtaryna, Ulttyq ulannyń «Jas búrkit» jáne t. b. ornalastyrý), ishki ister organdarynyń esebinde turǵan kámeletke tolmaǵandardy qosymsha bilimmen jáne t. b. qamtý maqsatynda olarǵa tekserý júrgizý josparlanǵan. Tekserý nátijeleri boiynsha buzýshylyqtarǵa jol bergen kináli laýazymdy tulǵalar, onyń ishinde Ministrliktiń bólimshe basshylary tártiptik jaýapkershilikke tartyldy.
