Qazaqstanda qylmystyq toptardyń áreketine tosqaýyl qoiyldy, dep habarlaidy dalanews.kz.
Qyrkúiekte Astana, Óskemen qalalarynda jáne Almaty oblysynda 40 mln teńge kóleminde aqsha talap etti degen kúdikpen jeti adam ustaldy. Olardyń úsheýi buryn sottalǵan, onyń ishinde adam óltirgeni úshin sottalǵandar da bar. Tintý barysynda kúdiktilerden atys jáne sýyq qarý, oq-dáriler, sondai-aq, birneshe qymbat kólik tárkilendi.
Quqyqqa qaishy áreketterdi anyqtaý jáne jolyn kesýge baǵyttalǵan osyndai is-sharalar Astana men Shymkent qalalarynda, sondai-aq, Aqtóbe, Atyraý, Abai, Aqmola, Shyǵys Qazaqstan, Batys Qazaqstan, Qaraǵandy jáne Mańǵystaý oblystarynda júrgizildi.
"Osy derekter boiynsha 50-den asa adam qylmystyq jaýapkershilikke tartylyp jatyr. Zańsyz ainalymnan 10-nan asa atys jáne travmatikalyq qarý, olarǵa tiesili oq-dáriler tárkilendi. Der kezinde qabyldanǵan sharalardyń arqasynda jábirlenýshilerdiń 77 mln teńgeden asa qarajatyn iemdenýge jol berilmedi", - dedi IIM uiymdasqan qylmysqa qarsy kúres departamentiniń ókili Qýandyq Alpys.
