Úkimet otyrysynda ýaqyt beldeýi máselesine nazar aýdaryldy. Saýda jáne integratsiia ministri Arman Shaqqaliev biryńǵai ýaqyt beldeýine kóshýiniń halyq densaýlyǵyna praktikalyq áserin zertteý nátijeleri týraly baiandady, dep habarlaidy Dalanews.kz.
Ministr «AMANAT» fraktsiiasynda ótken talqylaýdyń qorytyndysy boiynsha halyq densaýlyǵyna, energiia tutynýǵa jáne eńbek ónimdiligine biryńǵai ýaqyt beldeýiniń áserin baǵalaý maqsatynda monitoring júrgizilgenin atap ótti. Bul jumysqa meditsina, neiroǵylym, biofizika, genetika, astrofizika, fiziologiia salasyndaǵy ǵylymi-zertteý institýttary, máslihat depýtattary jáne múddeli taraptar tartyldy.
Zertteý barysynda málimetterdi taldaý, saýalnama nátijeleri men biryńǵai ýaqyt beldeýine deiingi jáne keiingi kórsetkishterdi salystyrýdy qamtityn keshendi ádis qoldanyldy. Zertteý ádistemesi halyq densaýlyǵy, energiia tutyný, eńbek ónimdiligi, oqýshylardyń úlgerimi, jol-kólik oqiǵalary, qylmys deńgeii jáne basqa da aspektiler boiynsha 40-tan astam kórsetkishti qamtidy.
«Densaýlyq saqtaý boiynsha ártúrli jas toptary, sondai-aq qala jáne aýyl turǵyndary qamtyldy, esep 100 myń adamǵa shaqqandaǵy kórsetkishter negizinde júrgizildi. Energiia tutyný boiynsha elektr energiiasyn paidalaný statistikasy, onyń ishinde eń joǵary júktemeler jáne el boiynsha tutyný kólemi salystyryldy. Eńbek qyzmeti turǵysynan oryndalǵan jumys kólemi, keshigýler men jumystan qalý jaǵdailary, jaraqat alý men tártip buzýshylyqtar esepke alyndy.
Nátijesinde biryńǵai ýaqyt beldeýine kóshý halyqtyń negizgi ómir súrý kórsetkishterine teris áser etpegenin kórsetip otyr» dep túsindirdi Arman Shaqqaliev.
Oljas Bektenov prezident Úkimet pen Parlamentke bul máseleni konstrýktivti túrde qarastyrýdy tapsyrǵanyn aitty.
«Ózderińiz bilesizder, Memleket basshysy Úkimet pen Parlamentke bul máseleni konstrýktivti túrde qarastyryp, birlesken ári salmaqty sheshim qabyldaýdy tapsyrdy. Ministr baiandamasynda atap ótkendei, monitoring nátijeleri biryńǵai ýaqyt beldeýin engizý týraly qabyldanǵan sheshimniń teris áseri bolmaǵanyn kórsetti»,dedi Oljas Bektenov.
Ol Májilispen birlesip tiisti jumystar júrgizýdi tapsyrdy.
