AQSh prezidenti Donald Tramp 185 elge, sonyń ishinde Qazaqstanǵa baj salyǵyn engizbek. Tanymal qarjy sarapshysy Rasýl Rysmambetov osy týrasynda pikir bildirdi, – dep habarlaidy Dalanews.kz.
Sarapshynyń sózinshe, Qazaqstanǵa alańdaityn negiz joq.
"Jahandyq qaqtyǵystar bizdiń máselemiz emes. Tikelei bizge áser etpeidi. ...Bizdiń basty artyqshylyǵymyz: Qazaqstan saýda soǵystarynyń epitsentrine jatpaidy", - dedi ol.
Rasýl Rysmambetov qazir negizgi qaqtyǵys AQSh pen álemdegi eń iri ekonomikalar (Qytai, EO) arasynda bolyp otyrǵanyn málimdedi.
"AQSh olardy Tramp tarifter engizýge ýáde etken las 15 el dep ataidy. Bizdiń Amerikamen aradaǵy saýda-sattyǵymyz - syrtqy taýar ainalymynyń 1%-dan az bóligi, sondyqtan bizdiń taýarlarymyzǵa 27% baj salyǵy engizilgennen keiin de ekonomikamyzǵa qatty áseri bolmady", - dedi ol.
Byltyr Qazaqstan AQSh-qa 2 milliard dollardan asa somaǵa taýar satqan, al ol jaqtan 1 milliard dollar somasyna satyp alǵan.
"Biz saýda profitsitinde turmyz jáne 10 jylǵa jýyq ýaqyt boiy AQSh-tan satyp alǵanymyzdan góri olarǵa satqanymyz kóp. Biz tarifter tiziminde turmyz, alaida, meniń oiymsha, bul - taza formaldy dúnie. Al AQSh-tyń Qazaqstannan importqa engizetin 27%–y bizdiń eksportqa qatysty emes, óitkeni bizdiń taýarlar strategiialyq materialdar tizimi boiynsha jetkiziledi jáne baj salynbaidy", - dedi ol.
Sarapshy bul jaǵdaidyń tiimdi tustary baryn da aitty.
"Endi basqa elderge janama áserleri týraly aitsaq, shyntýaityna kelgende, keibir taýarlar bizge tipti arzandaýy múmkin. Baj salyǵy engiziletin elder jańa naryqtardy izdeidi, osylaisha Qazaqstan tehnika, metaldar, kólik nemese qurylys materialdarynyń baǵasy boiynsha neǵurlym tiimdi usynystar alýy ábden múmkin. Bul - tipti Qazaqstandaǵy biznes pen tutynýshylar úshin jaqsy jaǵdai. Árine, AQSh naryǵyn almastyra almaimyz, biraq TMD-daǵy basqa elderge qaraǵanda bizdiń naryq kólemi emes, baǵasy jaǵynan tartymdy.
Qazaqstan saýda soǵysynyń nysany emes, bizdi týrbýlentti aimaqtar arasyndaǵy turaqtylyq araly desek bolady. Jahandyq qaqtyǵystar - beitarap deldal bolý, eksportty keńeitý, Aziiamen, EO-men jáne basqa eldermen saýda bailanystaryn nyǵaitý múmkindigi. Aitpaqshy, biz AQSh-pen tikelei saýda jasaimyz jáne shaǵyn ekonomikalardan osyndai profitsitke ie TMD elderiniń birimiz", - dedi ol.
Rasýl Rysmambetov Qazaqstan mindetti túrde bul jaǵdaidan sabaq alyp, óz óndirisine baǵdarlanýy kerek ekenin jetkizdi.
