АҚШ президенті Дональд Трамп 185 елге, соның ішінде Қазақстанға баж салығын енгізбек. Танымал қаржы сарапшысы Расул Рысмамбетов осы турасында пікір білдірді, – деп хабарлайды Dalanews.kz.
Сарапшының сөзінше, Қазақстанға алаңдайтын негіз жоқ.
"Жаһандық қақтығыстар біздің мәселеміз емес. Тікелей бізге әсер етпейді. ...Біздің басты артықшылығымыз: Қазақстан сауда соғыстарының эпицентріне жатпайды", - деді ол.
Расул Рысмамбетов қазір негізгі қақтығыс АҚШ пен әлемдегі ең ірі экономикалар (Қытай, ЕО) арасында болып отырғанын мәлімдеді.
"АҚШ оларды Трамп тарифтер енгізуге уәде еткен лас 15 ел деп атайды. Біздің Америкамен арадағы сауда-саттығымыз - сыртқы тауар айналымының 1%-дан аз бөлігі, сондықтан біздің тауарларымызға 27% баж салығы енгізілгеннен кейін де экономикамызға қатты әсері болмады", - деді ол.
Былтыр Қазақстан АҚШ-қа 2 миллиард доллардан аса сомаға тауар сатқан, ал ол жақтан 1 миллиард доллар сомасына сатып алған.
"Біз сауда профицитінде тұрмыз және 10 жылға жуық уақыт бойы АҚШ-тан сатып алғанымыздан гөрі оларға сатқанымыз көп. Біз тарифтер тізімінде тұрмыз, алайда, менің ойымша, бұл - таза формальды дүние. Ал АҚШ-тың Қазақстаннан импортқа енгізетін 27%–ы біздің экспортқа қатысты емес, өйткені біздің тауарлар стратегиялық материалдар тізімі бойынша жеткізіледі және баж салынбайды", - деді ол.
Сарапшы бұл жағдайдың тиімді тұстары барын да айтты.
"Енді басқа елдерге жанама әсерлері туралы айтсақ, шынтуайтына келгенде, кейбір тауарлар бізге тіпті арзандауы мүмкін. Баж салығы енгізілетін елдер жаңа нарықтарды іздейді, осылайша Қазақстан техника, металдар, көлік немесе құрылыс материалдарының бағасы бойынша неғұрлым тиімді ұсыныстар алуы әбден мүмкін. Бұл - тіпті Қазақстандағы бизнес пен тұтынушылар үшін жақсы жағдай. Әрине, АҚШ нарығын алмастыра алмаймыз, бірақ ТМД-дағы басқа елдерге қарағанда біздің нарық көлемі емес, бағасы жағынан тартымды.
Қазақстан сауда соғысының нысаны емес, бізді турбулентті аймақтар арасындағы тұрақтылық аралы десек болады. Жаһандық қақтығыстар - бейтарап делдал болу, экспортты кеңейту, Азиямен, ЕО-мен және басқа елдермен сауда байланыстарын нығайту мүмкіндігі. Айтпақшы, біз АҚШ-пен тікелей сауда жасаймыз және шағын экономикалардан осындай профицитке ие ТМД елдерінің біріміз", - деді ол.
Расул Рысмамбетов Қазақстан міндетті түрде бұл жағдайдан сабақ алып, өз өндірісіне бағдарлануы керек екенін жеткізді.
