Almaty oblysynda ótken aptada kóshi-qon zańnamasyn buzǵany úshin 270 sheteldik azamat anyqtaldy. Nátijesinde olardyń 14 elden shyǵaryldy, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
– Biz halyqtyń kóshi-qon salasyndaǵy buzýshylyqtardy anyqtaý jáne jolyn kesý boiynsha júieli jumys júrgizemiz. Bizdiń is-sharalarymyzdyń maqsaty – quqyqtyq tártipti qamtamasyz etý jáne Qazaqstan azamattarynyń qaýipsizdigin saqtaý. Elimizdiń aýmaǵynda bolǵysy keletin shetel azamattary belgilengen erejelerdi qatań saqtaýy tiis, – dep atap ótti oblystyq kóshi-qon qyzmeti basqarmasy.
Deportatsiianyń negizgi sebepteri zańsyz eńbek qyzmeti, bolý merzimin buzý jáne ákimshilik qadaǵalaýdan jaltarý boldy.
Sonymen qatar, halyqtyń kóshi-qon salasyndaǵy buzýshylyqtar úshin Qazaqstannyń 119 azamaty ákimshilik jaýapkershilikke tartyldy.
Tártip saqshylary barlyq sheteldik azamattardy kóshi-qon zańnamasynyń talaptaryn qatań saqtaýǵa jáne qajetti qujattardy ýaqtyly resimdeýge shaqyrady. Suraqtar týyndaǵan jaǵdaida sheteldik azamattar jaqyn mańdaǵy kóshi-qon politsiiasy bólinisine júgine alady.
