الماتى وبلىسىندا وتكەن اپتادا كوشى-قون زاڭناماسىن بۇزعانى ءۇشىن 270 شەتەلدىك ازامات انىقتالدى. ناتيجەسىندە ولاردىڭ 14 ەلدەن شىعارىلدى، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
– ءبىز حالىقتىڭ كوشى-قون سالاسىنداعى بۇزۋشىلىقتاردى انىقتاۋ جانە جولىن كەسۋ بويىنشا جۇيەلى جۇمىس جۇرگىزەمىز. ءبىزدىڭ ءىس-شارالارىمىزدىڭ ماقساتى – قۇقىقتىق ءتارتىپتى قامتاماسىز ەتۋ جانە قازاقستان ازاماتتارىنىڭ قاۋىپسىزدىگىن ساقتاۋ. ەلىمىزدىڭ اۋماعىندا بولعىسى كەلەتىن شەتەل ازاماتتارى بەلگىلەنگەن ەرەجەلەردى قاتاڭ ساقتاۋى ءتيىس، – دەپ اتاپ ءوتتى وبلىستىق كوشى-قون قىزمەتى باسقارماسى.
دەپورتاسيانىڭ نەگىزگى سەبەپتەرى زاڭسىز ەڭبەك قىزمەتى، بولۋ مەرزىمىن بۇزۋ جانە اكىمشىلىك قاداعالاۋدان جالتارۋ بولدى.
سونىمەن قاتار، حالىقتىڭ كوشى-قون سالاسىنداعى بۇزۋشىلىقتار ءۇشىن قازاقستاننىڭ 119 ازاماتى اكىمشىلىك جاۋاپكەرشىلىككە تارتىلدى.
ءتارتىپ ساقشىلارى بارلىق شەتەلدىك ازاماتتاردى كوشى-قون زاڭناماسىنىڭ تالاپتارىن قاتاڭ ساقتاۋعا جانە قاجەتتى قۇجاتتاردى ۋاقتىلى رەسىمدەۋگە شاقىرادى. سۇراقتار تۋىنداعان جاعدايدا شەتەلدىك ازاماتتار جاقىن ماڭداعى كوشى-قون پوليسياسى بولىنىسىنە جۇگىنە الادى.
