Elimizdegi bilim salasy jyl ótken saiyn zaman talabyna sai jańaryp, jańǵyryp keledi. Bul úshin arnaiy joba-baǵdarlamalar qabyldanyp, kóptegen jumystar atqarylýda. Ádette bizder «bilim berý salasynda ózgerister jii oryn alady» dep syn kózben qaraitynymyz jasyryn emes. Shyndyǵynda qazirgi tańda álemdegi bilim berý salasy sát saiyn ózgeristi bastan keshýde. Sondyqtan bilim salasy boiynsha qabyldanǵan memlekettik jobalardy qýany qabyldaýymyz kerek. Búginde elimizdiń bilim berý salasyn damytý maqsatynda «Bilimdi ult» sapaly bilim» ulttyq jobasy júzege asýda. Bilikti mamandar bul jobany Qazaqstanda bilim berý júiesiniń sapasyn arttyrýǵa baǵyttalǵan aýqymdy baǵdarlama ekenin alǵa tartýda.
«Bilimdi ult» sapaly bilim» ulttyq jobasy bilim berý salasynyń ár deńgeiin qamtityn strategiialyq qujat desek artyq aitqandyq bolmas edi. Joba sapaly bilim alýǵa qoljetimdilikti keńeitý, oqý protsesiniń tiimdiligin arttyrý, muǵalimderdiń kásibi damýy, oqýshylardyń bilim sapasyn jaqsartý siiaqty negizgi máselelerdi sheshýge baǵyttalǵan.
Osy rette Dalanews.kz aqparattyq agenttiginiń oqyrmanadaryna «Bilimdi ult» ulttyq jobasy úsh negizgi baǵyttan aita keteiik. Bul joba birinshi kezekte elimizdegi bastaýysh, orta, kásiptik jáne joǵary bilim berý sapasyn arttyrý, sondai-aq qala men aýyl arasyndaǵy bilim berý deńgeiindegi alshaqtyqty qysqartýdy kózdeidi.
Ekinshiden, orta mektepter men JOO-lardy zamanaýi jabdyqtarmen qamtamasyz etý, bilim berý protsesine tsifrlyq tehnologiialardy engizý jobada taiǵa tańba basqandai anyq jazylǵan.
Al jobanyń úshinshi baǵytynda ustazdar qaýymy men bilim berý qyzmetkerleriniń kásibi turǵydan damýyna jaǵdai jasaý máseleleri qamtylǵan. Muǵalimderdiń biliktiligin arttyrý, olardyń mártebesin kóterý, jas mamandardy qoldaý búginde mańyzdy mindetke ainalǵany anyq.
Jobanyń basty maqsaty 2025 jylǵa deiin Qazaqstandaǵy balalardyń 100%-yn mektepke deiingi bilimmen qamtý josparlanyp otyr. Bul maqsatqa jetý úshin jańa balabaqshalar salý jáne bilim berýdegi jańashyldyqtardy engizý jumystary júrgizilýde.
2025 jylǵa qarai PISA halyqaralyq zertteýinde Qazaqstandy álemniń alǵashqy 40 eli qataryna engizý kózdelgen. Bul mejege jetý úshin oqytý ádistemelerin jetildirý, bilim berý mazmunyn jańartý, aýyldyq jáne qalalyq mektepter arasyndaǵy alshaqtyqty joiý sharalaryn qolǵa alýdyń mańyzy zor.
Qazaqstannyń 2022 jylǵy PISA nátijelerine nazar aýdarsaq, oqý, matematika jáne jaratylystaný ǵylymdary boiynsha 15 jasar oqýshylardyń bilim deńgeiin baǵalaý elimiz 81 memlekettiń arasynda 51-shi oryndy ielengenin baiqaimyz. Naqtyraq aitsaq, matematikadan 47-shi, oqýdan 61-shi, jaratylystanýdan 49-shy orynǵa ornalasqan. Bul kórsetkishti buǵan deiingi jyldarmen salystyrsaq, jaǵdaidyń birshama jaqsarǵanyn baiqaýǵa bolady. Óitkeni, 2018 jyly Qazaqstan 69-shy oryndy mise tutqan bolatyn. Mundai ilgerileýge bizder bilim salasyn damytýdy kózdeitin memlekettik baǵdarlamalardyń arqasynda qol jetkizgenimizdi umytpaýymyz kerek.
«Bilimdi ult» sapaly bilim» ulttyq jobasy bilim berý sapasynyń artýy muǵalimderdiń mártebesin kóterý, oqý baǵdarlamalaryn jańartý jáne sandyq tehnologiialardy keńinen qoldaný syndy mańyzdy mindetterdi júzege asyrýǵa yqpal etýde. Sonymen qatar, qala men aýyl mektepteri arasyndaǵy bilim berý alshaqtyǵy azaia tústi, bul bilim berý sapasynyń birtindep jaqsarýyna sebepshi boldy.
Mektepterdiń infraqurylymyn jaqsartý, qaýipsizdik júielerin ornatý, sporttyq jáne mádeni is-sharalardy kóbeitý de jobada keń kólemdi kórinis tapqan.
2023 jyly elimizde mektep jasyna deiingi balalardyń 94%-y balabaqshaǵa baraǵan. Mektepke deiingi mekemelerdiń sany da aitarlyqtai ósip, sonyń ishinde jeke menshik balabaqshalardyń sany artyp otyr. Eń bastysy qala men aýyl mektepteriniń arasyndaǵy bilim sapasy alshaqtyǵyn azaitý úshin aýyldyq mektepterdiń materialdyq-tehnikalyq bazasyn nyǵaitý maqsatynda memlekettik baǵdarlamalar júzege asyrylýda.
Qazir oqýshylardyń 75%-y zamanaýi kabinetter men zerthanalarda bilim alýda. Bul – kórsetkishti Oqý aǵartý ministrligi aldaǵy jyldary 100%-ǵa jetkizý kózdep otyr. Osy rette bilim oshaqtaryn sapaly internetpen qamtý deńgeii de aitarlyqtai ósip, onyń deńgeii qazirgi tańda 99%-dan asty. Osylaisha «Bilimdi ult» sapaly bilim» ulttyq jobasynyń aiasynda elimizdegi mektepter úshin internet qoljetimdi dúniege ainaldy.
Qoryta aitqanda, «Bilimdi ult» sapaly bilim» ulttyq jobasy Qazaqstannyń bilim berý júiesin jańa deńgeige kóterip keledi. Joba sapaly bilimge qoljetimdilikti arttyryp, tsifrlyq saýattylyqty damytýǵa jáne muǵalimder men oqýshylar úshin qolaily jaǵdai jasaýǵa baǵyttalýda. 2025 jylǵa qarai jobanyń barlyq maqsattary júzege assa, Qazaqstan bilim berý sapasy jaǵynan aitarlyqtai alǵa jyljyp, halyqaralyq deńgeide laiyqty oryn ala alady.
